أول تعليق من زوجة حسن شاكوش بعد الهجوم عليها: «واخدة عهد»

 

وقالت في تصريحات لبرنامج ET بالعربي:" دي حاجة بعيدة عن السوشيال ميديا، ومفيش حد يقدر يضحك على ربنا".

وأضافت:" أنا كنت واخدة عهد على نفسي لما أدخل بالإطلالة الأولى لازم أسجد وأشكر ربنا لإنه عوضني بحسن، هو أحسن واحد في الدنيا في عيوني".

وعن علاقتها بحسن شاكوش أشارت إلى أنه على معرفة به منذ زمن بعيد، قائلة:" إحنا جيران من وإحنا أطفال، وبعدها مشينا من المنطقة ومن 10 سنين ماشوفتوش، وسأل عليا وقال عايز يتجوزني".

واستطردت:" حسن عندي حاجة كبيرة أوي، لعيب كورة وأشيك واحد في المنطقة، وعسول وكاريزما، وأنا واثقة فيه ثقة عمياء".

ومن جانبه تحدث المطرب الشعبي حسن شاكوش عن ما فعلته خطيبته مؤكدًا أن خطيبته تحافظ على أداء كافة الصلوات قائلًا:" مش بتسيب فرض".

وأضاف شاكوش: "أنا طلبت إيدها من 3 سنين لكن كانت مخطوبة، وربنا كرم وكانت من نصيبي".

الهجوم على زوجة حسن شاكوش

وخلال الساعات الماضية فتحت الإعلامية مفيدة شيحة النار على زوجة المطرب الشعبي حسن شاكوش وذلك بعد حفل زفاف الثنائي الذي تصدر حديث المستخدمين خلال اليومين الماضيين، حيث قالت:" كل عروس يوم زفافها بتكون ملكة تخيلوا بقى الملكة دي سجدت علشان اتجوزت".

وتابعت: "صورة زي دي بتقلل من قيمتك قدام أهلك وأهل جوزك وجوزك، ولو حد قال لك غير كده بيجاملك"، مضيفة:" وأي حد بيشوف الصورة بيضحك وبيقول إيه ده هي ما صدقت اتجوزت؟ مش أوي كده ولو بتكيدي حد يبقى أنت قللتي من نفسك".

 

وأيدتها في الرأي زميلتها الإعلامية سهير جودة حيث قالت: "الله أعلم كانوا عايزين يطلعوا ترند من الفرح ولا لأ، لأننا مش هنقدر ندخل في نوايا البشر، لكن صورة زوجته وهي تسجد على الأرض فيها مبالغة جدًا".