شنت الفنانة منال سلامة هجوما حادا على رواد منصات التواصل الاجتماعي "انفلونسر" بسبب دخولهم مجال التمثيل.

وقالت منال سلامة، في تصريحات إذاعية عبر أثير نجوم أف إم: "دخلت على فيسبوك بعد الثورة وبدأت أكتب آرائي عليه، ولكن لقيت الناس بدأت تفهم كلامي بشكل خاطئ وبيهاجموني بقوة".

منال سلامة تهاجم انفلونسر السوشيال ميديا

وأضافت: "شعرت بـانهيار عصبي وقررت الابتعاد عن السوشيال ميديا، وكل علاقتي بيها هو تهنئة الناس أو وضع صورة من حفلة فقط، وأنا ضد السوشيال ميديا في كل حاجة في حياتنا".

وعن دخول بعض الإنفلونسر مجال التمثيل دون خبرة في المجال، قالت منال: "فيه ناس دخلوا مجال الفن وأخذوا فرص من على السوشيال ميديا لا يستحقونها، ليه عندنا أكاديمية فنون طيب ما نقفلها، وعلم التمثيل يُدرس في أفضل جامعات العالم وتؤخذ عليه شهادات ماجستير ودكتوراه، ثم يأتي شخص لا علاقة له بعلم التمثيل ويأخذ فرصة".

منال سلامة في مسلسل الأصلي

وعن دورها في مسلسل الأصلي تحدثت منال سلامة عن شخصيتها فايزة التي قدمتها وقالت: "أنا معترضة على فكرة إنها شريرة، فايزة سيدة مكملتش تعليمها، وأبوها ميز أختها عنها، وأتجوزت شخص كان بيحب أختها".

واضافت: "فايزة هي شخصية مش متحققة في كل حاجة، وبتطالب بورثها بطريقة تسخين أخواتها على فاطمة، وتبان قدام فاطمة إنها غلبانة، ولكن هي مش شريرة خالص والناس هتكتشف إنها إنسانيتها وليه وصلت للحالة اللي هي فيها دي، ويهمني دايمًا إن لما الناس تقفل التليفزيون تفتكر شخصياتي، سواء فايزة في الأصلي، أو دوري في الملكة نازلي".

وفي وقت سابق كشفت  منال سلامة، عن قصة حبها وزواجها من المخرج عادل أديب، حيث قالت: "عادل ولا قالي بحبك ولا بعتلي جوابات، ولا إنت القمر ياليلى، إحنا كنا زملاء وأصدقاء وبنشتغل مع بعض في فترة الدراسة، وفي يوم في المعهد قاللي عايزك في كلمة، لما أتخرج وأخلص الجيش وأعمل أول فيلم، تقبلي تتجوزيني؟ قلتله ماشي في حاجة ثانية عشان عندي محاضرة ".

وتابعت: "واضح إنه كان بيحبني ومش عارف يصارحني، وأنا كنت بحبه من غير إدراك، أحب أقعد معاه، وفي حاجات مشتركة بيني وبينه، أول مرة أقول كلمة بحبك كان بعد خطوبتنا تقريبا، لكن دلوقتي بقولها كل يوم قبل ما أنام".

إقرأ أيضًا..

رسالة مؤثرة من منال سلامة بمناسبة عيد الأم.. فيديو