«يا بخت من وفق راسين في الحلال» نساء تقوم بدور الخاطبة على فيسبوك

قامت إحدى النساء بكتابة منشور جديد من نوعه على إحدى جروبات موقع التواصل الاجتماعي "فيسبوك"، تبحث من خلاله عن شباب وفتيات يرغبون في الزواج، وذلك تحت عنوان «يا بخت من وفق راسين في الحلال».

وكتبت المرأة في منشورها: «يا جماعه هقول فكره ومحدش يتريق بس والله العظيم بتكلم بجد اللى عندها عروسه او عريس تقول فى الكومنتات انا بتكلم بجد والله العظيم مش بتريق».

وكانت التعليقات بعضها مؤيد للفكرة وفتيات تعرض نفسها معروس مناسبة، والبعض ينتقد الزواج بتلك الطريقة، وإليك أبرز التعليقات:

علقت بسنت: «مرة واحدة بعتتلى قالتلى انتى منين رديت عادى قالتلى سنك كام رديت عادى وزودت ف الاسئلة وانا معرفناشاخر ما زهقت قولتلها اى الاسئلة دى كلها..قالتلى ردى عليا بأدب (رغم انى كنت بكلمها عادى جدا) انا هجيبلك عريس قولتلها شكرا مش عاوزة قالتلى معاقة وبنص لسان وكمان بتتنكى ردى عليا بأدب بقولك روحت عاملالها بلوك».

بينما قالت مروة: «ياستي خليكي فحالك هي جوازت الواقع بتنفع عشان جوازات النت تنفع اللي لاعارفين اصلهم من فصلهم».

كما علقت سما: «انا عروسة وبتكلم جد».

وقالت فاطمة: «انا شايفة المنشور عادي بس نصيحة كله يبقى بعلم الأهل يعني الأهل هما الي يتعاملوا الاول ويشوفوا الموضوع لو كده على خير أن شاء الله».

وعلقت أسيل: «ساعات بيطلع ناس كذابه انا صاحبتي اشتركت فيه كان بيجيلها ناس يقول مطلق وهو متزوج».

كما قالت هبة في تعليق: «هتتجوز ناس ماعرفهمش ده بيبقوا يعرفوا بعض من سنين وساعات قرايب وبيطلقوا في شهر مش قادرة افهم البوست».

وقالت نورا : «الجواز عمره ما كان كدا ابدا»، كما علقت منى: «نفسنا اتسدتت».