بملعقة واحدة.. 6 فوائد للعسل تحدث في جسمك لن تصدقيها.. ما هي؟
شيرين رضا: «أنا لسه مبلغتش.. والزواج حاليًا مزيف» (فيديو)
الثلاثاء 21/فبراير/2023 - 11:16 م
نور أحمد
أثارت الفنانة شيرين رضا، جدلًا واسعًا عبر منصات التواصل الاجتماعي خلال الساعات الماضية، وذلك بسبب تصريحاتها في أخر مقابلتها الصحفية.
شيرين رضا تثير الجدل
وقالت الفنانة شيرين رضا في تصريحات لبرنامج ABTalks، المذاع عبر يوتيوب أنها تعتبر نفسها لم تبلغ حتى تلك اللحظة، قائله:" أنا بعتبر نفسي فتاة.. مش ست كبيرة.. وشايفة نفسي بنت عندها 28 سنة.. ولما توصل 30 سنة بتكون بلغت.. وأنا لسة مبلغتش.. ومش بحاول أصغر نفسي وأتصرف كطفلة.. وأنا فتاة بحاول أكتشف تجارب كثيرة ولا زلت".
شيرين رضا: أبويا قالي إنتي حلوة أوي
وأضافت:" والدي قالي وأنا صغيرة أنتي حلوة أوي وده هيسبب لك مشاكل كتيرة، قلت له إيه ده ليه لكن.. اكتشفت إن لما بتكون صغير في السن مبتفكرش في اللي هيحصل، ولما كبرت فهمت إن الجمال بيخلي الستات هتغير والرجالة هتحاول تقرب منك".
وأردفت:"نعم للجمال ثمن عليك دفعه إما أن تعتمد على جمالك وتدفع ذلك الثمن أو تنساه، وألا تعتمد عليه لذلك أحصل على حياة أفضل متخلنيش يعمل جمالي مشاكل لأن لو أخذت بالي ستسبب الكثير من المشاكل لكن إن اعتبرته شيئًا عاديًا لن تتسبب بمشاكل".
رأي شيرين رضا في الزواج
وأضافت:" أهلي كان عقلهم متفتح واتعلمت الكلام دا منهم، وأمي أجنبية ووالدي متفتح عقليا جدا، واتعلمت إن الصداقة أقيم من أي علاقة حب؛ لأن العلاقات غالبا تنتهي بالطلاق أو الانفصال، ولكن أنا غلطت لما اتجوزت وأنا صغيرة لأني كنت طفلة 21 سنة، ومكنش عندي خبرة أكون أم".
وواصلت شيرين رضا: "عادي أكون مطلقة مرتين مع إني حاولت أكون زوجة كويسة وربيت بنتي وعمري ما زعقت لها، ولكن كنت أتمنى أخلف وأنا 31 سنة وعندي خبرة في الحياة".
وعن رأيها في الزواج حاليًا قالت:" الجواز مزيف، لأن الزوج لازم يكون صديقك المقرب وتشاركه كل شيء وتفكر معاه، ولكن الناس مش بتعمل كدا وبيكملوا في العلاقات دي من أجل الماديات ولا أنصح بالجواز دلوقتي، والجيل الجديد مش هيتجوز لأنهم شايفين اللي بيحصل".
وتابعت:" لازم الست أو الراجل يسألوا نفسهم إيه هدف العلاقة دي؟ والمفروض أنها تدوم ومعظم الناس بتتجوز عشان أشياء مادية".
