استمعت جهات التحقيق إلى أقوال سيدة بعد أن أحالها المحامي العام الأول لنيابات شمال الجيزة، إلى محكمة الجنايات، وذلك لاتهامها بتهديد صديقتها بنشر صور فاضحة وخادشة للحياء لها على مواقع التواصل الاجتماعي.

السيدة التي تبلغ من العمر 38 عاما قالت: "كنت متزوجة من شخص  واطلقت منه في آخر سنة ۲٠٢٠ ومعايا منه بنتين وولد وانفصلت عنه وفي شهر يونيو ۲۰۲۱ بدأت أتعرف على شخص آخر عن طريق جروب اسمه "برجك اليوم" على "فيس بوك" وكان الجروب ده ناشر بوست بيقول كل واحد من المتابعين يكتب تاريخ ميلاده فأنا كتبت تاريخ ميلادي فلقيت شخص كاتب بوست وبيعلق لیا وبيقولي أنا كمان نفس البرج بدأنا نتعرف على بعض ودخلنا نتكلم على تطبيق "ماسنجر".

وأضافت، "لقيته إنسان محترم وبيتكلم بأسلوب رقيق فكل يوم كنا بنتكلم مع بعض علشان نتعرف على بعض أكثر وبدأنا بعد فترة من التعارف نتكلم اننا نتخطب لبعض وكان هو اللي بدأ معايا حوار الخطوبة وأنا ساعتها قلت له إن فيه فرق سن ما بينا قالي ده مش مهم".

بداية التعارف

وتابعت: "بعتله في بداية التعارف صورة ليا وهو طول المدة دي بيكلمني على أساس إنه عايش في الكويت وبيشتغل في محل ملابس في مول وكان بيبعت لي صور ملابس وبيقولي أنا اشتريتها لك وبعد فترة بدأ يبعتلي فيديوهات مُخلة على الواتساب لأني بعد ما وثقت فيه لفترة اديته رقمي الخاص، لكن فوجئت بيبعتلي الفيديوهات دي فأنا لما شوفت الفيديوهات السيئة دي قطعت التواصل معاه لمدة يومين فرجع بعدها يعتذر لي وقالي إنتي أكيد فيكي حاجة غلط وأكيد جوزك طلقك عشان إنتي باردة لأني مكنتش بتجاوب معاه في أي رسايل تحمل عبارات خادشة للحياء".

واكملت: "بعد فترة رجع يكلمني بأسلوب كويس وقالي الكويت بلد كويسة وإنتي ممكن تيجي عندي تعملي أحلى فلوس واتفقت معاه أننا لما نتجوز نجيب بناتي الكبار يعيشوا معانا في الكويت وطلب مني أبعتله صور ليا أنا في وضع عاري وقالي أنا عايزك تبعتي صور بكل جسمك علشان أنا لازم أشوفك قبل ما نتجوز علشان أنا مش هنزل من الكويت وكل صاحبي اللي متجوزين هنا بيعملوا كده بيطلبوا من زوجاتهم يصورا نفسهم بأوضاع عارية، فأنا رفضت طلبه وقلت له مينفعش، وميصحش تطلب مني كده انت لو عايز تتجوزني انزل قابل أهلي فرفض وبعدها بدأ ينزل صور خاصة له مع بنات كحالات علي الواتساب عشان يستفزني بیها وكنت بدخل أرد عليه وهو يقولي شوفي أنا لو عايز بنات أنا عندي كل حاجة".

انتشار الصور على الإنترنت

وقالت: "في مرة بعتلي فيديو في منزل دعارة في الكويت وبعدها من شهر ديسمبر۲۰۲۱ انقطعت العلاقة بيني وبينه وخفت على نفسي وسمعتي وبناتي وفي بداية شهر أبريل وتحديدا رمضان اللي فات، لقيت أختي اتصلت بيا وبتصوت وبتقول صورك اتنشرت على فيسبوك واللي عرفنا كده واحدة كانت صديقتي جدا من زمان واتصلت بأختي وقالتها الحقي أختك صورها منشورة على الجروبات".

وأضافت، "دخلت شوفت الصور دي و كانت عبارة عن صور ليا أنا وأولادي وأخواتي البنات وقعدين في كافيه ومكتوب كلام وحش فوق الصور دعارة وشمال العيلة دي وبعدها لقيت البنت صاحبتي بتبعتلي على فيس بوك وبتكلمني وبتقولي في إيه قولتها معرفش في إيه قلتلها في حد بيكلمني وبيهددني بصور وطلبت منها المساعدة قالتلي لاء هاتي عشرة آلاف جنيه وأنا أوديكي لوحدة تعملك عمل توقف الصور دي ومتنزلش فأنا قلتها حرام عليكي احنا في رمضان ومفيش حاجات زي دي وبعد قطعت الاتصال معاها ودخلت في حوار مع الحساب علي فيس بوك وهمي اللي منزل صوري وقلتله انت مين وعايز ايه قالي عايز ١٥٠ ألف جنيه ورفضت وبعد ما اشتكيت عرفت أن صحبتي القديمة هي اللي ورا كل ده وأنها سرقت الصور من علي موبايلي بس معرفش وصلت ليها ازاي ده اللي قالتهولي المباحث" .

يشار إلى أن أمر الإحالة جاء فيه أن المتهمة هددت المجني عليها  كتابة بإفشاء ونسبة أمور مخدشة بشرفها، وذلك بنشر صور شخصية للمجني عليها وهي في أوضاع مخلة بالحياء، وكان التهديد مصحوباً بطلب وهو أن تدفع مبلغاً مالياً نظير توقفها عن نشر تلك الصور.

اقرأ أيضا..

اعترافات مبتز الفتيات: كنت أسقطهن تحت شعار «هتجوزك»