ياسمين عز: «استأذني جوزك قبل ما تروحي الحمام وعيب تتنفسي جنبه» (فيديو)

 

وأثارت ياسمين عز جدلًا بسبب تصريحها حول تنفس الزوجة بجوار الزوج حيث قالت :" لو إنت قاعدة جنب جوزك فرعونك ما تتنفسيش وهو بيتنفس عيب"، وأضافت:" هل معنى كلامي إنك تكتمي نفسك وتموتي، بعد الشر عليكي افهمي معنى الجملة".

وأردفت ياسمين عز: " يعني لما يكون متعصب وصوت نفسه عالي من العصبية متتنفسيش إنت كما وتنفخي بصوت عالي معاه، ده هيزود شحنة السلبية والنكد وهتقوم خناقة".

وما أثار جدلًا ايضًا هو نصيحة ياسمين عز عن حصول الزوجة على أذن من اجل دخول الحمام حيث قالت :" لو إنتو قاعدين مع بعض بتتسامروا وتتكلموا، مينفعش فجأة تقومي في نص كلامه وتمشي بدون استئذان تروحي الحمام، الحمام مش أهم منه يا مدام".

وتابعت: "ممكن تستنيه لما يخلص كلامه، ويقوم هو الأول وبعدين تقومي وراه، أو لو إنت مستعجلة تقولي بلطف من غير ما تقطعي كلامه حبيبي هروح أعمل حاجة، أو هروح أغسل إيدي عشان حاسة إنها محتاجة تتعطر شوية".


تحذير ياسمين عز
وهذه ليست المرة الأولى التي توجه فيها الإعلامية ياسمين عز تصريحات مثيرة للجدل، حيث سبق وإن  وجهت الإعلامية ياسمين عز تحذير شديد اللهجة إلى الفتيات اللاتي يروجن لفكرة الاستقلالية وعدم الزواج، حيث قالت إنها ترفض تمامًا كافة الأفكار والمبادرات التي تروج إلى استقلالية المرأة وتمردها على الزواج لأن هذا يعتبر ظلم للرجل.

وأضافت ياسمين عز: "الرجل المحترم يشتغل ويشقى عشان يقدر يتجوزك، وإنتي تشتغلي عشان تستقلي وتقدري تسيبيه في أي لحظة، ده ظلم للرجل".

ووصفت ياسمين عز من يروج لمثل هذه الأفكار هم "جهلاء"، حيث وجهت حديثها للفتيات وقالت: "إنتي ماشية ورا كلام بعض الجهلاء، ومفكرة الدنيا من غير الراجل حلوة، لكن هي من غيره سواد ومرار وحزن".