ياسمين عبدالعزيز تُبدع في تقليد فيفي عبده (فيديو)
«بفرخة وزجاجة زيت» أغرب هدية من رجل منوفي لزوجته في عيد الحب
الثلاثاء 14/فبراير/2023 - 10:16 م
ساندي جرجس
انتشرت على مواقع التواصل الاجتماعي صور لزوج من محافظة المنوفية يحتفل مع زوجته بعيد الحب، مع تقديم هدية غريبة لها عبارة عن فرخة داخل صندوق إلى جانب زجاجة زيت..
أغرب هدية في عيد الحب
وآثارت الصور ضجة كبيرة على
مواقع التواصل الاجتماعي حيث علق الكثيرون عليها واعتبرها البعض، طريقة
مختلقة للاحتفال بسبب غلاء الأسعار. وكانت التعليقات ساخرة كالآتي:
قالت رنا في تعليق: «هو ده الحب الحقيقي».
وعلقت سارة ساخرة: «هي دي الهداية ولا بلاش .. قمة الرومانسية مفيش كلام هابي فالانتين داي ف التموين».
وعلقت ابتسام: «دة انت من الأعيان دارى على شمعتك تضئ».
وقالت تريزا: «والله احلا هديه تعيش وتجبلها كل عيد حب وانتو بخير وسعاده».
وقال محمد : «فى الصورة دى الزوجة عينيها بتقول كلام مش ولا بد».
بينما علقت وفاء: «وانتوا كنتوا قاعدين معاهم جوا البيت وصورتوهم . والا حد كان مبلغ بسرقة الفرخة وانتوا روحتوا تصوروا الحدث بلاش هري واشتغالات فاضية».
فرخة وزجاجة زيت في صندوق
وعلقت سمر: «حضرتك ذكي وعملي وجبت من الاخر الست كريمة هتتعشوا انتوا والولاد بيها لا كمان هتطبخ هيا. ابو العيال مصري اصيل .. الدين قال لا يكلف الله نفسا إلا وسعها .. بسيطة».
وقالت الواثقة بالله: «الفرخه مش عايزه تشوف المهزله اللي بتحصل عليها ف غمضت».
وعلق مصطفى: «هديه مقبوله من أصحاب القلوب الصافيه أفضل من الدبدوب اللى مالوش لازمه».
وقال اسلام: «على الأقل فرخة لها فايدة عن الدبدوب ههههههههههه كل سنة وحضرتك طيبة».
علقت حياة: «المنوفي ملهوش حل هياكل الفرخة ويقلي بطاطس ويهيص ».
