سمية الخشاب ترفض الاعتراف بعيد الحب لهذه الأسباب

وقالت سمية الخشاب في تصريحات تلفزيونية لبرناج "الستات" الذي تقدمه الإعلامية سهير جودة ويذاع عبر فضائية "النهار": "أنا عقلانية رومانسية، وأسمح لعقلي بالتدخل في الوقت المناسب، وهذا سر بقائي على قيد الحياة".

وأضافت سمية الخشاب: "أنا من مواليد برج الميزان، برح النحانيح في الحب، وفتاة برج الميزان عطاءة جدا ومتفانية في الحب عشان تسعد حبيبها على حساب نفسها، لكن لو أحست إنه لا يبادلها شعورها ولا يوجد أي تقدير تقلب قلبة وحشة".

وعن طقوسها في عيد الحب قالت سمية الخشاب :" لا أعترف بشيء اسمه عيد الحب وتخصيص يوم معين له، اللي بيحب بيهتم بحبيبه في أي وقت، ويشتري له هدية حلوة في أي يوم"، مضيفة: "ولو فاكرني في الأيام العادية ده أحلى بكتير، وفي المناسبات ميضرش، الستات عموما بيحبوا الهدايا".

وفي وقت سابق وجهت الفنانة سمية الخشاب رسالة خاصة للشباب المقبلين على الزواج، وذلك بشأن السن المناسب للزواج، حيث تلقت الفنانة سمية الخشاب تساؤلا عبر حسابها على "تويتر" وهو: "انصحيني يا فنانة اتجوز وأنا عندي كام سنة وأنا مش هكسر كلمتك والله".

وجاء الرد من الفنانة سمية الخشاب وهو: "40، تكون عملت فلوس كويسة تعيش أولادك ومراتك فمستوي كويس بدل ما تتجوز بدري وتخلف 3 أو 4 ويطلعوا صايعين ويبقوا عالة على المجتمع".

ولم يكن رأي الفنانة سمية الخشاب مقبولا لدى البعض حيث كتب أحد المتابعين لها: "40 ده عندهم أحفاد دلوقتي يا فنانة،، أنا اتجوز وانا 25 بالكتير"، لترد من جديد سمية الخشاب: "أتجوز وانت عندك 25 ووريني إزاي هتربي وهتعلم وهتصرف على مراتك وعيالك، أهو التفكير اللي زي ده اللي بيسبب الأزمات الاقتصادية، فاكرين الجواز إنجاز".