ياسمين عز تحذر البنات: «إللي بتعمليه ظلم للراجل» (فيديو)

 

وأضافت ياسمين عز: "الرجل المحترم يشتغل ويشقى عشان يقدر يتجوزك، وإنتي تشتغلي عشان تستقلي وتقدري تسيبيه في أي لحظة، ده ظلم للرجل".

ووصفت ياسمين عز من يروج لمثل هذه الأفكار هم "جهلاء"، حيث وجهت حديثها للفتيات وقالت: "إنتي ماشية ورا كلام بعض الجهلاء، ومفكرة الدنيا من غير الراجل حلوة، لكن هي من غيره سواد ومرار وحزن".

وأردفت: "لو اشتغلتي وعملتي فلوس وقدرت تستقلي، تقدري تشتري جهاز يوقف عمرك عند الشباب؟ هتكبري والشغل هيخلص، وهتقعدي لوحدك إذا كان باختيارك".

وأضافت: "وهو ربنا هيكرمه ويكون قاعد لابس شرابه ومدفي رجله وسط أحفاده، بيشرب سحلبه وبيأكل أرنبه وفاتح مكتبه".

وشددت ياسمين عز في تصريحاتها على إن هذه النصيحة ليست لكافة الفتيات بل لجزء معين فقط قائله :" عشان مفيش واحدة تقول ده نصيب، كلامي للبعض اللي اختار يكون لوحده ويتجاهل كون الراجل، مش المحترمة الطبيعية اللي عارفة إن الجواز سنة الحياة".

وعن أزمات الرجل مع المرأة قالت ياسمين عز :" بتتخانقي مع زوجك ليه؟..وبتعلي صوتك على زوجك ليه، ومتقوليش إنها ساعة شيطان".

وأضافت: "متتخانقيش بصوت عالي هيجيلك صداع وهتتعبي، الراجل لو جاله صداع بيتعافى ذاتيا، لأنه مسكن لنفسه".

 

وتابعت ياسمين عز :"انتى لو جالك صداع مش هتلاقي مسكن، لأن الراجل هو أصل المادة الفعالة للمسكن.. الكلام دا مش من عندي، وفي دراسة علمية بتأكد كلامي".

وأردفت: "فاعلية الرجل متطابقة مع المسكن.. مش عارفة عملوا دواء للصداع ومُسكن للألم ليه والراجل موجود؟!»، متابعة: «الراجل هو الدواء والعلاج".