رأيت أني قتلت ثعبان في المنام «ما تفسير الحلم؟»
«السوشيال ميديا» تنتفض لدعم نورهان كشك بعد انتقاد ملابسها
الخميس 02/فبراير/2023 - 11:23 ص
نورهان كشك
ساندي جرجس
تعرضت نورهان كشك، الحاصلة على بكالوريوس طب من جامعة عين شمس، لهجوم شديد من رواد مواقع التواصل الاجتماعي، عقب نشر صورتها أثناء الاحتفال بتخرجها مع عدد كبير من الكتب التي قرأتها، حيث علق الكثيرون على ملابسها وانتقدوها.
ولكن وسط تلك التعليقات المسيئة إلا أن هناك حملات دعم للطبيبة الشابة عبر "فيس بوك"، حيث قام العديد من رواد السوشيال ميديا بنشر صورتها مع دعمها وكتابة تعليقات لتشجعيها.
وقالت نور: «اللبس ملوش علاقة بالحرية يا عسل أنا هنا مش ضد نورهان والناس إلى دخلت شتمتها ناس مريضة».
وعلق علاء: «كل الدعم لنورهان المجتهده لاجتهادها في تحصيل العلم فمهما كانت عقيدتك فلا تؤذي أحد أنت لست وصيا على الناس ربنا اللي بيحاسب البشر ربنا يحفظ أمتنا العربية».
وعلقت شيرين: «جماعة ما تلبس اللي هي عوزاه انتوا مالكوا بجد !! ليه أصلا حد يدي نفسه حق يقولها أي كلام يضايقها !! غلط صح لنفسها مش ليكوا !!».
وقالت حبيبة: «الكلمة الطيبة صدقة ومينفعش تنصح حد مفيش بينك وبينه عشم لأنه مش هيقبله وحتى لو حابب تنصح يبقي بالدعاء وبأحسن أسلوب ربنا يهدينا جميعاً ويصلح حالنا».
وقال مصطفى: «ربنا يبارك فيكي وتكبري أكتر وأكتر وده شرف لكل مصري بيحب بلده رغم كل الحاقدين مصر دائما ناجحة بولادها».
كما علق عمر : «الكلاب تعوي والقافلة تسير.. كلنا بنتهاجم بطريقة أو بأخرى.. خليها دايما تقتنع اي حاجة ناجحة فى البلد دي بتتهاجم ربنا يباركلها وتعتبر دا موقف أهبل.. عادي يا معلم احنا في مجتمع بيتنمر على الأئمة والأوليا.. انطلقى في مشوارك يا نورهان وسيبك من أي هبل.. وهديك أمل مش آخر موقف هتتعامل معاه.. وهتشوفى للأسف المسوخ دي كتير.. الله يوفقك».
بينما قال حامد: «تعليقات السوشيال ميديا بتقول إن جوه قلوب الناس يخوف ومرعب تصور أنا شوفت الصورة من كام يوم أول حاجة جت في ذهني إني عمرى ما كنت أنفع في طب ديه ابدا ربنا يوفقها وواضح إنها جدعة وقوية».
