حوادث

اعترافات صادمة لقاتل ابنته بمساعدة زوجته في الخانكة

السبت 28/يناير/2023 - 11:01 ص

محمد علي

جريمة بشعة شهدتها منطقة الخانكة، عقب مقتل طفلة على يد والدها وزوجته الثانية، حيث اعتدت الزوجة الثانية للأب على ابنة زوجها وعذبتها بمساعدة والدها، لتفقد الفتاة حياتها بعد تعرضها للتعذيب والاعتداء.

واعترف الأب المتهم أمام جهات التحقيق قائلا: تزوجت من سيدة اسمها "أ"، وعمري 18 سنة، وأنجبت رنا المتوفية ونورا وزياد وكنا قاعدين في بيت والدي في الخصوص، ومن حوالي 7 سنوات بدأت أشوف زوجتي مش نظيفة في نفسها وجالها مرض السكر فقررت الزواج من أخرى.

ونوه المتهم بقتل ابنته بعد تعذيبها قائلا: "أختي عرفتني على واحدة اسمها نجلاء صاحبة كوافير اللي هي متهمة معايا دلوقتي، وتزوجتها لكن لم أنجب منها وفضلت أحلام مراتي الأولى على ذمتي حتى الآن، لكن لم أعش معها وعايش مع نجلاء زوجتي الثانية في شقة بالإيجار في الجبل الأصفر في الخانكة، ونورا بنتي كانت ساعات بتيجي تقعد معايا تبيت ليلة في البيت وتمشي".

واستكمل المتهم بقتل ابنته بالخصوص: "منذ 5 شهور أحلام زوجتي الأولى جاءت إلى البيت وكان معاها رنا بنتي وقالت لنجلاء زوجتي التانية "خدوا رنا خلوها معاكم شوية عشان أبوها يربيها"، ونجلاء كلمتني في التليفون وقالتلي فأنا قولتلها لا أنا مش عايز أشيل مسؤولية، فتحايلوا عليا فأنا قولتلهم نص ساعة وجاي.

واستكمل الأب حديثه: "بالفعل روحت للبيت ولقيت بالفعل رنا بنتي وأحلام في البيت وقعدت معاهم وأحلام قالتلى خلي البنت عندك شوية علشان هي طفشت من البيت قبل كده كذا مرة، فقالتلي خدها ربيها وشد عليها ووافقت وأخدت رنا عندي في البيت وفضلت عندي".

وأوضح المتهم أمام جهات التحقيق: "في مرة أخدت منى التليفون من غير ما أعرف وكانت بتجيب حاجات مخلة وبتقعد تتفرج عليها واللي اكتشف الموضوع ده وقالتلي عليه دنيا بنت نجلاء مراتي الثانية ولما عرفت كده ضربتها بالأقلام على وشها عشان أربيها ومكنتش عارف إنها هتموت".