بملعقة واحدة.. 6 فوائد للعسل تحدث في جسمك لن تصدقيها.. ما هي؟
«كيف تحتوين الرجل العصبي؟».. فتاة تطلب النصيحة من المتزوجات
الجمعة 27/يناير/2023 - 07:46 م
ساندي جرجس
كتبت إحدى النساء في جروب للمتزوجات على موقع التواصل الاجتماعي "فيس بوك" تطلب النصيحة منهن في التعامل مع الرجل العصبي، وقالت في منشورها: «بنحتوى الراجل العصبى ازااااى عشان زهقت خلاص؟!».
وكانت التعليقات بعضها تشجعها على تركه والابتعاد عنه وبعضها يطلب منها أن تتعامل معه بتجاهل وهدوء.
وعلقت جينا: «مش بنحتوي اصلا في الاول بتكوني عايزة تحتوي و مش بتحبي تشوفي متعصب و بتزعلي لو زعلتي و كدة و بعد كدة هتلاقي نفسك بتتجاهلي تماما لحد ما يهدا او هتقوليله لا انا مبقتش اخاف من الوش دة خلاص.. اصلهم ساعات بيعملوا كدة لمجرد انها حركات تهويش عشان تسكتي مثلا فاهمة وساعات بيكون رد فعله أقوى بكتير من الموقف ، فا مش مستهلة يعني ، اهم حاجة بس انتي تكوني متماسكة اوي اوي هتلاقي هو سكت.. و ممكن مع الوقت يتغير».
وقالت فاطمة ساخرة : «بتزغرطي اه والله في لايف كوتش قال كده هو يزعق وإنتي تزغرطي».
كما علقت رهف: «اتعصبي إنتي كمان واقلبي الترابيزة عيشيه التوتر اللي هو معيشهولك عشان يبقي حريص يعصبك بعد كده و يقدر قيمة الهدوء».
وقالت رشا: «ما ترديش عليه بس مش ببرود فاهمه قصدي علشان ما يزدش في العصبيه تجنيبه لحد ما يهدي علشان الموضوع ما يكبرش».
وعلقت شيماء: «تجاهليه وقت المشكلة وهو متعصب وسبيه خالص وبعد ما الدنيا تمام تقعدي معاه وتتناقشي بهدوء وتعرفي أن الموضوع ملهوش علاقة بيكي خالص».
وقالت مها: «ماتحاوليش تجادلي معاه لأن النقاش وقت العصبيه مش هيكون في صالحك هتتعاملي معاه زي التربية الحديثة للأطفال هتختاري الوقت المناسب للنقاش وده طبعا ما تكوني اتفقتي معاه علي يوم ووقت للمناقشة عشان مايمسكش عليكي غلطات وهي انك اختارتي توقيت غلط او انك استفذتيه فتضطر بتنرفز دي الطرق لو انتي فعلا عايزة حلول».
وعلقت روان: «تجنبيه لحد ما يهدي طول ما عصبيته مفيهاش قلة أدب».
