صفوة: «الرقاصة بتشغل معاها 40 راجل وجوزي دخلني السجن» (فيديو)

 

وأضافت صفوة: "من 8 أو 10 سنين فاتوا، ظهر عدد من الراقصات زي صافيناز، وكل ما العري ما بقى أكتر، كل ما الفنان بقى أكبر، والفنانات والراقصات المحترمات اللي بكلمك عليهم، بقا شغلهم أقل بكتير".

وعن الرقص الشرقي قالت صفوة: "أي بلد أجنبي بيقدروا الرقص الشرقي جدًا، وأنا مش مكسوفة من لقب راقصة، لكن مهنة الرقص ما فيش حد بيقدرها بالتقدير المناسب لها، ولازم الناس يكون الوعي بتاعها غير كدة".

 

وعن مهنة الرقص قالت صفوة: "إن مهنة الرقص مهنة صعبة للغاية، لكنها مهنة مربحة، والراقصة بتشغل معاها 40 راجل بشنبات".

 

وتطرقت الفنانة صفوة للحديث عن زوجها الثالث وكونه السبب الرئيسي في دخولها السجن، حيث قالت: جوزي سرق فلوسي، ودخلني السجن عشان أنا حمارة، ومش أنا لوحدي بقول كدة، في ستات سامعين كلامي، وبيقولوا نفس الكلام، هو عمل كدة برغم أنه كان بيعمل حاجات كويسة كتير جدًا معايا ومع أهلي كمان، ومخي ساعتها مكنش قادر يستوعب أن الخير الي كان بيعمله مني أنا".

وأردفت: "لما كان حد بيقول على جوزي أنه مش كويس، وشوفي مستقبلك مكنتش بصدقهم، وأعمل لمستقبلي، وأنا كنت بالنسبة له الفرخة اللي بتبيض ذهب، وأنا عمري ما كنت بفكر وراه، أنا مكنتش مستوعبة أنه بيصرف من فلوسي".