الخميس 02 فبراير 2023 الموافق 11 رجب 1444
رئيس مجلس الإدارة
خالد جودة
مدير التحرير
دعاء رفعت
ads
رئيس مجلس الاداره
خالد جوده
مدير التحرير
دعاء رفعت

ياسمين عز: «عندك فول أوبشن لو متجوزة هذا الرجل» (فيديو)

الأحد 22/يناير/2023 - 08:12 م
هير نيوز

وجهت الإعلامية ياسمين عز رسالة خاصة إلى السيدات المتزوجات من طبيب أسنان، وقالت الإعلامية ياسمين عز في تصريحات عبر برنامجها "كلام الناس" المذاع عبر فضائية MBC مصر:" لو جوزك أو خطيبك دكتور أسنان يبقى أكيد ربنا بيحبك، عشان رزقك براجل فيه كل المواصفات اللي تتمناها وتحلم بيها أي ست، وينطبق عليه مصطلح فول أوبشن"


وأضافت ياسمين عز: "دكتور الأسنان لطيف ومتواضع ومتعاون ومؤدب، ولسانه بينقط شهد مكرر، وصعب تقابلي دكتور أسنان مش كاريزما ودمه خفيف، كاريزما ماشية على الأرض".

وتابعت: "عامل زي المغناطيس، تلاقي نفسك لا إراديا بتتمغنطي وتتشدي ليه، وترتاحي في الكلام معاه، ومش عارفة إنت متجوزة دكتور أسنان ولا دكتور نفسي".


وعن التأثير النفسي الذي يتركه طبيب الأسنان:" عنده قدرة غير عادية على الاستيعاب والاحتواء، وتحملك في أقصى فترات عصبيتك، ولو تلاحظي صوته شتوي علطول ومائل للجاذبية".

وأردفت :" تحسي إنه من كتر البنج اللي بيستخدمه انعكس على شخصيته وبقى هادي وبشوش".


وأشارت ياسمين عز إلى ميزه هامة لدى طبيب الأسنان، إلا وهي تخليص الناس من أصعب آلامهم، قائلة :" ألم الأسنان أشد آلام الجسم، واللي قادر يطيب آلام الأغراب أكيد هيعرف يطيب ألم المقربين منه وخصوصا مراته أو خطيبته".

وأضافت: "المريض بيدخل له مش قادر يتكلم، لكن بيفهمها وهي طايرة ويحدد مكان الألم، مش محتاجة تشرحي إيه اللي مضايقك لو جوزك دكتور أسنان".

وربطت ياسمين عز بين تفاصيل عمل طبيب الأسنان وصفاته الشخصية قائلة: "مستحيل تلاقي دكتور أسنان أصفر، لإن مهنته ضد السواد والصفار، ودي صفات وحشة في الدنيا هو بعيد عنها".

وأكملت ياسمين عز حديثها وقالت: "طول الساعات دي تفضلي تتصلي بيه وتبعتي رسايل وهو ميردش، فتفتكري إنه بيخونك مع واحدة تانية، وتطلعي كالعادة بتظلميه، لأنه أمين وبيحترم مريضه".