سهير رمزي ترفض حذف مشاهدها الجريئة لهذا السبب

وأضافت :" لو رجع بيا الزمن واتعرض عليا مشاهد جريئة لو دلوقتي هرفضها، لكن زمان كنت بعملها وأنا مقتنعة بيها ومكنش في جرءة زي دلوقتي، لأن المشاهد الجريئة اللي كنت بعملها كانت في حدوته الفيلم وفي سياق الموضوع".

واستطردت سهير رمزي :" اللي كنت بعمله مكنش حاجة شاذة، ولو عندي القدرة أمسح أعمالي من على السوشيال ميديا واليوتيوب مش هعمل كده وده تاريخ وأنا عملته وملزمة به".

وعن الحجاب الذي كانت ترتديه في وقت سابق قالت :" بزعل من نفسي دلوقتي لما بشوف الحجاب اللي كنت بعمله وكان طرح كتير وألوان كتير، لكن مش بزعل من النقد".

وعن زواجها من عمر الشريف قالت سهير رمزي:" جوازي من عمر الشريف إشاعة وهو من صغري كان فتى أحلامي، وكان فتي أحلام بنات كتير من جيلي، واتكتب كتير وقتها إننا اتجوزنا ولكن هو كان صديق".

وتابعت :" أنا كنت من معجبي عمر الشريف ورحبت به خلال زيارة لمنزلي هو وضيوفه وعملت حفلة في البيت واستقبلته وانتشرت الشائعات بعدها".

وتطرقت سهير رمزي للحديث عن علاقتها من أخواتها من الأب، حيث أكدت  أن العلاقة اختفت بعد تقسيم الميراث، موضحة: للأسف علاقتي بـ إخواتي من الأب اتقطعت بعد الميراث، وأنا مش عايزة منهم حاجة ولا هما عايزين مني حاجة، بس لازم يكون فيه تواصل وعلاقة ود بيني وبينهم وأنا قولت قبل كدا حد يتواصل معايا منهم.

وقالت سهير رمزي:"  أنا مخدتش ميراثي من والدي لأني مكنتش محتاجة منه حاجة، وبابا مصرفش عليا حاجة، فسبته لـ إخواتي خصوصًا أختي الصغيرة عشان يتحط في جهازها، وإخواتي هما اللي اهتموا وقعدوا مع والدي إنما أنا مشوفتوش غير مرة واحدة في حياتي وكان عندي 13 سنة".