بملعقة واحدة.. 6 فوائد للعسل تحدث في جسمك لن تصدقيها.. ما هي؟
فتاة تشكو من فسخ خطبتها بسبب سبها لشقيقته
الجمعة 20/يناير/2023 - 09:00 م
ساندي جرجس
نشرت إحدى الفتيات مشكلتها مع خطيبها الذي قرر فسخ الخطبة بسبب سبها لشقيقته، وتطرح سؤال هل هي تستحق فشل العلاقة والابتعاد عنه أم هي مظلومة؟!
كتبت الفتاة في منشورها: «من بنوته كنت بتكلم مع خطيبي فون وفتحنا سيرة أخته وهزار قلتله ههههههه عقربة وحبروقة وبصرم مني، لقيته بيقولي انتي قولتي إيه قولي تاني كده وانا روحت قلت أختك عقربة وحبروقة وبصرم مني، وبقولها وبضحك بهزار يعني راح قالي ما حد عقربة غيرك وبصرم غير إنتي وأهلك ومبقاش راجل لو الجوازة دي تمت، قصده كده إننا فركشنا أنا كنت بهزر معاه».
وكانت التعليقات هجومية على الفتاة كالآتي:
علقت مروة: «هو راجل وعنده حق وتصدقي بالله انتي فعلا اللي بصورم».
وقالت أسماء: «هو معاه حق انتى عاوزه تغلطى ف أخته وميقولش كداتقبلى إنه يشتم اخوكى أو اختك !!! اللى انتى عملتيه ده اسمه قله ادب».
وعلقت لقاء: «حطى نفسك مكانه لو شتم امك او اختك بهزار كده هتيجى تعيطلنا هنا وتقولى خطيبى شتم امى بس بيقولى ده بهزار وانا مش طيقاه.. انتى غلطانة».
وقالت فوقية: «عيب اللي قولتيه ....لو مراته مش حتي خطيبته ..... وهو صح بشوف اغلب البنات اول ما تتخطب بقت اخته وحشه وامه وحشه واهله وحشين و و . بالراحه ع نفسك هو منهم وليهم وفيهم ف الاخر وعلاقه الدم مختلفه عن علاقته بيكي.. متحطيش نفسكف موقف بايخ وترجعي تسألي».
وعلقت ندى: «بتهزري ؟! احيانا الهزار بيطلع السواد والكره الي ف القلوب بت انتي مش سالكه».
وقالت هدير: «هو عنده حق لأن واضح أن انتي اللي حربوقه و الله هو فين الهزار في كده اصلا».
وعلقت آية: «مينفعش طبعا تقولى كدة حتى لو هزار حطى نفسك مكانها مش هتقبلي ان حد يتكلم عليكي كلمة زى دى حتى لو بيهزر».
وقالت شيماء: «مينفعش تقولي حاجه زي كده حتي ولو هي كده الرجاله مش بتفهم الكلام ده واي حد مش هيستحمل علي أهل بيته كلمه وحطي نفسك مكانه لو بيتكلم ع اخوكي كده».
