فن وثقافة

بسبب «عندي صحاب رجالة» لقاء الخميسي توجه رسالة لجمهورها

الإثنين 16/يناير/2023 - 07:32 م

نور أحمد

وجهت الفنانة لقاء الخميسي، رسالة خاصة إلى جمهورها ومتابعيها عبر حسابها الشخصي على إنستجرام، بسبب تصريحاتها التي تداولها المستخدمون خلال الساعات الماضية.

ونشرت لقاء الخميسي عبر حسابها على إنستجرام عددا من الفيدوهات عبر خاصية ستوري قالت خلالها: "رسالة للصحفيين اللي بيحبوا يكتبوا الأخبار عشان التريند وناس تدخل يا تكتب الخبر كامل وصح كما قيل يا متكتبوش وتحترم نفسك".

وأضافت: "رقم 2 رجاء من كل الناس اللي بتابع السوشيال ميديا اللي بيحب حد يدخل عنده ويقول كلمتين حلوين أو ليصمت ممكن نختلف في الآراء لكن نتعلم إزاي نحترم الاختلاف".

وأضافت: "نبطل نهين بعض ونبطل نرفض أفكار بعض كل واحد زي ما إتربى واتثقف كل واحد ليه تفاصيله ومعتقداته ممكن اختلف باحترام، ولا يصح أن أهاجم حضرتك حاجة بقت تزهق بصراحة".

لقاء الخميسي في فيديو عبر حسابها على "إنستجرام"

وتابعت الفنانة لقاء الخميسي حديثها: "يا جماعة الممثل بني آدم عنده نفس التفاصيل اللي بتمر بيها عنده مشاكل إحنا بنظهر بس الجانب المشرق إحنا موجودين عشان نفرحكم ونقدملكم حاجة تغير مودكم".

وأردفت: "إحنا بنيجي على نفسنا عشان نبسطكم حبونا شوية وشوفونا بني آدمين عندنا مشاكل مفيش حد في العالم معندوش مشاكل الرحمة حلوة".

وكل هذا يعود إلى تصريحات لقاء الخميسي عن أصدقائها الرجال، ومعرفة زوجها عبدالمنصف بهذا الأمر، حيث قالت عندي صحابي الرجالة كتير أوي يعني صحابي الرجالة أكتر من الستات ومحمد جوزي متقبل لأن في منهم ناس أعرفهم من قبله وهما اتنين قريبين ليا جدا".

وأضافت لقاء الخميسي في تصريحاتها: "في ناس قريبين ليا في الوسط الفني ومحمد عارف، وطالما العلاقة في إطارها المتعارف عليه يبقى خلاص".