توك شو

«حلم لبنات كتير» ياسمين عز تتحدث عن الزوج المحامي والمحاسب (فيديو)

الأحد 15/يناير/2023 - 09:17 م

نور أحمد

تحدثت الإعلامية ياسمين عز، عن الزواج من الرجال الذي يعملون في مهن المحاماة والمحاسبة في البنوك.

وقالت ياسمين عز في تصريحات تلفزيونية عبر برنامجها "كلام الناس" المذاع عبر فضائية MBC مصر، إن البنت التي تتزوج من محامي والدتها دعت لها من كل قلبها وأبواب السماء مفتوحة.

وعن صفات الزوج المحامي قالت ياسمين عز: "لو جوزك محامي معناه إنك متجوزة راجل من طراز فريد ورفيع، ودماغه توزن بلد، وتحسيه هيبة ومالي مركزه".

وأضافت: "ذوقه عالي في اختيار بدلته، وبالتالي في اختيار مراته، ودقنه محلوقة ومهتم بنفسه طول الوقت، وخط مستقيم في سلوكه".

وتابعت ياسمين عز تصريحاتها وقالت: "موسوعة قانونية ومعرفية وعلمية متحركة وذكرة قوية، لو طلبتي منه طلب بعد سنة هيفضل فاكره، وراجل يعتمد عليه ومتحمل للمسؤولية، وطول حياتكم هيكون خط دفاعك الأول والأخير".

واستطردت: "لو وقعتي في مشكلة وإنت على حق، هيخرجك منها زي الشعرة من العجينة، وكمان قوي بس حنين، وشرس بس دمه خفيف".

وتابعت ياسمين عز: "عنده "أوبشن" مش موجود إلا عند المحامين، ضليع في اللغة العربية، وممكن يدلعك ويغازلك بمصطلحات مش متداولة في السوق أول مرة تسمعيها".

واستكملت رصد مميزات المحامين وقالت: "عنده قاعدة علاقات ومعارف مهولة، لو احتجتي إجابة أي سؤال في ثانية يسأل معارفه، بعد كل ده مش عايزة الناس تحسدك لو متجوزة محامي".

وفي نهاية حديثها وجهت نصيحة لزوجة المحامي وقالت: "في الاستشارات المجانية، لو صاحبتك بتعمل عقد إيجار تروح له المكتب زي أي موكل وتدفع، ده مصروفك في البيت".

وعن السيدة التي تتزوج من محاسب قالت ياسمين عز: "اللي متجوزة موظف بنك لازم تتحسد عليه، وهو موديل بيشف ويرف من النظافة، وقميصه مسطرة وجزمته بتلمع لمعة جلد التمساح".