بملعقة واحدة.. 6 فوائد للعسل تحدث في جسمك لن تصدقيها.. ما هي؟
« يا ياسمين إحنا ماشيين بالعلاج » بدرية طلبة تهاجم ياسمين عز بسبب تصريحاتها
الثلاثاء 10/يناير/2023 - 07:30 م
بدرية طلبة
بسمة خالد
أعربت الفنانة بدرية طلبة عن غضبها من تصريحات الإعلامية ياسمين عز المثيرة للجدل عن الرجال، مشيرة إلى أنه من الممكن هدم العلاقات الزوجية بسبب هذه التصريحات المتحيزة للرجال.
نشرت الفنانة بدرية طلبة عبر حسابها على "إنستجرام" فيديو تقول فيه: "إيه يا ياسمين إحنا ماشيين بالعلاج، كل واحدة فينا فيها اللى مكفيها، اللى متجوزة ومستنياها تقول يا أستاذ محمد فيها اللي مكفيها، بدل ما تطول فى المد بالألف مفيش وقت الناس بتكح تراب وانتي جاية تقولي لها مدي بالألف، يعني الكلكعة اللي في قلبي منك زادت".
وواصلت الفنانة حديثها: "أنا لو قلت كده هيديني بطبق الملوخية فى وشي، إنتي بتوقعي توقيع غير مشروع وممكن تكوني قاصدة منه خير، بعد ما أقوله يلا يا محمد أقوله محمد بمد الالف واتنحنح شتوي، لا يا ياسمين لا، والله يا ياسمين يوم ما كنت بقوله يا قلبي، أحس إني في إيه، لا وقت للدلع المرق، بصي يا ياسمين إنتي خلتينا فعلا نكلم نفسنا".
وأنهت حديثها مضيفة: "وبعدين اي الصوت الشتوي ده يعني الست تلبس بطانية وهي بتتكلم ولا اي، وحتة الزوجة التانية الرجالة نفسهم مش مقتنعين، دانتي ممكن تروحي تقضي على جوزك يوم الصباحية".
تصريحات ياسمين عز
يشار إلى أن الإعلامية ياسمين عز أثارت الجدل في تصريحاتها الأخيرة التي قالت فيها: "ليه بتنادي على جوزك محمد بس المفروض تقوليله يا أستاذ محمد ومتاكليش آخر حاجة في اسم الراجل بعد إذنك، مينفعش تقوليله يا محماا قولي محمد.. زي مانتي مش بتحبيه ياكل اسمك ويقولك يا سمااا بدل سماح انتي كمان متعمليش معاه كده".
وأضافت الإعلامية: "يا أداة نداء تطلعي بيها وتعلي بأستاذ ومحمد بالصوت الشتوي وهتقولي ليه أقول يا مش أيها، عشان يا للقريب الحبيب أيها للبعيد الغريب ، حبي جوزك وراجلك ولازم يكون صوتك هادي وناعم وإفخري بيه وحسسيه دايما بمجهوده في شغله".
