10 فوائد مبهرة للضحك..منها تقوية الذاكرة
ياسمين عز عمن تدعي على زوجها: «لو مشي من البيت هتحل اللعنة» (فيديو)
الأحد 08/يناير/2023 - 09:30 م
نور أحمد
عبرت الإعلامية ياسمين عز، عن تفكير وقيام بعض السيدات في الوقت الحالي بالدعاء على أزواجهن.
وقالت ياسمين عز في تصريحات تلفزيونية عبر برنامجها "كلام الناس" المذاع عبر فضائية MBC مصر، أن دعاء المرأة على زوجها لا معنى له، وأن مصطلح "دعوة الزوجة" لا قيمة حقيقية له، مؤكدة على دعمها للأزواج.
وأضافت :"نسمع عن دعوة الصايم، دعوة الأم، دعوة المسافر، إنما دعوة الزوجة في الهباء المنثور كده؟ بتخوفيه يعني؟".
وتابعت ياسمين عز حديثها :" لو معملش حاجة هتدعي عليه تثبت؟ بتبثي الرعب في قلبه وصدره؟ لا يمكن ترعبي الرجل وإحنا عايشين على وش الأرض، لا مش هيخاف وإحنا معاه".
ووجهت حديثها للرجل وقالت :" أوعى تخاف إحنا جنبك، سيبها تدعي من هنا لبعد العشا، طالما أنت ماعملتش حاجة معها مش هيحصل حاجة، وإذا قالت لك منك لله، قول لها كلنا مننا لله، وإذا قالت لك روح يا شيخ، قول لها رايح وراجع بسرعة، خلى ردك حاضر وذهنك صافي ومخك شغال وعيونك مفتحة".
واستطردت :" أي دعوة كده ولا كده، لا تتأثر، طالما أنت راضي ربك وراضيها ومهننها وساعدها، الدنيا تمام ومش عامل حاجة غلط، ماتخافش، تخاف ليه؟ ربك موجود، هو أي حد يدعي على حد تستجاب؟ لأ طبعا".
وأكملت ياسمين عز حديثها وقالت :" بركة البيت، تدعي عليه ليه؟ والنبي قوليلي عمل لك إيه؟ ده بركة في البيت، لو مشي من البيت هتحل اللعنة في البيت، خلي البركة موجودة واللعنة بعيد عنك".
