توك شو

ياسمين عز: متعمليش شعرك بروتين واعملي لجوزك بط بالبرتقال (فيديو)

الأحد 08/يناير/2023 - 01:02 ص

نور أحمد

عادت الإعلامية ياسمين عز من جديد لتوجيه نصائح مختلفة للسيدات، عبر برنامجها "كلام الناس" المذاع عبر فضائية MBC مصر.

وتحدثت ياسمين عز في تصريحات تلفزيونية عن رغبة السيدات في الحصول على أموال من أزواجهن بداعي التجميل قائله :" في موضوع بقى منتشر وأنا طالعة أحذر منه انهاردة، ماتجيش أول ما جوزك يقبض الفلوس أو المرتب أو الجمعية أو يجمع له قرشين من خيرات ربنا، تقولي له بقى اديني فلوس أعمل شعري بروتين".

وأضافت ياسمين عز :" بروتين إيه يا مدام ما انتي عايشة طول عمرك بتسريحة الأناناسة، كلنا عايشين بالأناناسة، حبكت أول ما جوزك مسك فلوس في ايده عايزة تاخدي كبشة وتروحي تعملي بروتين لشعرك".

وأردفت :" لغوا البروتين مضروب في السوق، اسمعي مني أنا مذيعة، هو مش كويس ومضر بالصحة وبفلوس جوزك".

وعن ما يجب أن تفعله السيدات قالت ياسمين عز: "أقول لك أنا تعملي ايه، تجيبي بطة، وتعملي صينية بطة بالبرتقال، دا اللي هيفيدك، انما البروتين لشعرك عمره ما يفيدك، دا كسبتي جوزك واتغذيتي بروتين طبيعي".

وأضافت: "اللحم يعني بروتين، وخدتي فيتامين c من البرتقال، يفيد البشرة والشعر، وأنتي قمر وهو بدر منور، أوعي تفكري أن انتي أحلى منه، هو حلو بردو، محدش يجيب سيرة البروتين، وبلاش التقاليع الجديدة وجاية لنا من برا غلط".