فن وثقافة

«السوشيال ميديا بتقلش» رونالدو في ضيافة ياسمين عز

الخميس 05/يناير/2023 - 02:11 م

ياسمين عز ورونالدو

بسمة خالد

لاتزال توابع انضمام اللاعب العالمي كريستيانو رونالدو، نجم كرة القدم البرتغالي، لفريق النصر السعودي مستمرة، وذلك عبر مواقع التواصل الاجتماعي المختلفة

فتصدرت الإحتفالية الكبيرة التى أقيمت الأسبوع الماضي لاستقبال رونالدو وعائلته وأم أولاده جورجينا ، حديث المتابعين عبر مواقع التواصل الإجتماعي ، خاصةً بعد ظهور جورجينا وهي ترتدي ملابس تحترم عادات وتقاليد المجتمع السعودي.

وبدأ رواد السوشيال ميديا فى استخدام التعليقات المضحكة، قائلين إنه من الممكن أن يظهر مع الإعلامية المصرية ياسمين عز التى تحدثت عن علاقته بزوجته على مدار الأيام الماضية ، فجاءت التعليقات على النحو التالي : "أم رونالدو قالتله مش عاجبني الوضع ده دلوقتي لازم نشوف موضوع الجواز وتسمع كلام ياسمين عز"

"كريستيانو صديق البرنامج طبعاً وهيجي الحلقة الجاية يسمع نصايح ياسمين عز "

وتعليق آخر " واثقه من نفسها قوي وعارفه انه قاعد بيتفرج عليها عشان أما يجي الحلقة طبعا ههه"

تصريحات ياسمين عز

وكانت الإعلامية ياسمين عز قد اثارت جدلاً واسعاً في الفترة الماضية بعد حديثها عن جورجينا صديقة كريستيانو وأنتونيلا زوجة اللاعب العالمي ميسي فقالت "أنا بحس إن چورچينا دي ٢٤ ساعة شاردة برة البيت زي الغزال الشارد كده ، يجي مثلًا رونالدو يقولها عايزين نتعشى مع بعض النهاردة أنا و انتي و الولاد فتقوله لأ أنا عندي عرض أزياء النهارده ٢٤ ساعة بتلف برة البيت ، مش مهتمة بالجَمعة الأسرية "

وأضافت "على النقيض بقى أنتونيلا مرات ميسي ، حتة نوتيلا بحسها عايشة لبيتها و لجوزها و ولادها ، و تحسوا إن ولادها ن نُضاف و شعرهم بيلمع و ريحتهم بودرة أطفال ، بحس إنها سـت بيت وزوجة صالحة بمعنى الكلمة ملهاش في جو الشنط واليخوت ومش شاغلها غير رضا سي ليو جوزها ، و إنها بعد العشا تلاقيها مقـطعة حتتين كيكة برتقان و كوباية شاي و داخلة بيهم على ميسي في البلكونة " .

ووجهت رسالة لرونالدو تقول "والنبي يا شيخ أجبر بخاطر جورجينا وأتجوزها عشان خاطر عيالك وعشان تسترها " .