ننشر نص التحقيقات مع منة شلبي في قضية إحرازها للمخدرات

تشهد محكمة جنايات شمال القاهرة المنعقدة بالعباسية، نظر أولى جلسات محاكمة الفنانة منة شلبي على خلفية اتهامها بإحراز مخدر الحشيس بقصد التعاطي في غير الأحوال المصرح بها قانونا، وجلبها من الخارج.

    

تفاصيل جديدة ومثيرة كشفتها تحقيقات النيابة العامة في قضية الفنانة منة شلبي المتهمة بحيازة مخدرات، والمحالة للمحاكمة الجنائية، فيما أسند إليها من إحرازها جوهر الحشيش المخدِّر بقصد التعاطي في غير الأحوال المصرح بها قانونا، أنها كانت في مدينة نيويورك لحضور مهرجان فني.

وتضمن تحقيقات قضية منة شلبي، تفاصيل عدة،  أهما؟، س: ما قولك فيما هو منسوب إليكيِ من أنكِ متهمة بحيازة جواهر مخدرة بقصد التعاطي في غير الأحوال المصرح بها قانونيا؟

ج: محصلش.

س: ما الذي حدث إذًا.. وما هي ظروف ضبطك وإحضارك؟

فأجابت،: حصل إن أنا كنت مسافرة نيويورك عشان أحضر مهرجان إنتر ناشونال أمي أورد، ووصلت مطار القاهرة وعديت على الجمارك وأنا خارجة، وكان معايا 3 شنط والدنيا كانت زحمة وأنا حطيت الشنط اللي معايا على السير عشان يتشاف فيها إيه، ولقيت واحد من اللي واقفين في الجمرك بيقولي معاكي فيب سيجارة إلكترونية، فأنا قلتله إني أنا بدخن فيب، وكنت بفتح الشنطة عشان أوريله الفيب، فلقيت واحد تاني جه وقالي إحنا هنفتح بقية الشنط نشوفها، وأنا وافقت وقلتله اتفضل وقعد يقلب في الشنط، وبعدين جه واحد تالت كان بيتفتش معاهم وأنا طلعت الفيب السجائر الإلكترونية، وواحد منهم قالي ممكن تقعدي شوية ووداني أوضة في الجمارك قعدت فيها شوية، والشنط كانت معاهم في الوقت ده، وبعد شوية لقيت ناس كتير وظباط مطلعين علبة ميكاب لونها أخضر، بيقولولي إن دي فيها ماريجوانا فقلتله مفيش الكلام ده مش صح، وده ميكاب عادي فلاقيته بيقولي معاكي كوكايين، قلتله أنا مش بشرب الحاجات دي أصلا مليش في الممنوعات، وبعدين قالولي طيب استني شوية، وبعدين أنا بقيت سامعة كلام كتير بره، وبعد ساعتين تلاتة لقيتهم بيقولولي اطلبي المحامي بتاعك، فبقولهم إيه اللي حصل قالولي انتي معاكي ماريجوانا، وبعدين قالي انتي هتتعرضي على جهات التحقيق، وبعدين وأنا قاعدة، لقيت أخبار نازلة إني مقبوض عليا ومعايا مخدرات، وفضلت هناك لما جيت هنا، واتعرضت على جهات التحقيق.

س: متى وأين حدث ذلك؟

 أجابت: الكلام ده حصل الساعة الـ10:30 صباحا بمطار القاهرة الدولي.

س: من كان برفقتك آنذاك؟

 فقالت: أنا كنت راجعة لوحدي.

س: ومن القائم بضبطك تحديدا؟.

 ج: أنا معرفش مين قبض عليا بس هو زي ما قلت بداية الموضوع كان في الجمارك وكان ناس واقفة في الجمارك.