تفسير رؤية الجزر في المنام لابن سيرين
نادية الجندي: هذه مواصفات فتى أحلامي
الثلاثاء 03/يناير/2023 - 12:01 م
نادية الجندي
بسمة خالد
كشفت الفنانة نادية الجندي عن تطلعاتها في العام الجديد 2023 ومواصفات فتي أحلامها وذلك خلال مداخلة هاتفية لها في برنامج "الستات".
عشق السينما
فكشفت الفنانة المصرية رغبتها في الوقوف أمام الكاميرا من جديد قائلة ً "أنا عملت 5 أعمال درامية كلهم حلوين الحمدلله من أول مشوار امرأة ومن أطلق الرصاص ونجحت جدا في الدراما نفس مستوى أعمالي في السينما، لكن أنا السينما بتجري في دمي "
وواصلت نجمة الجماهير حديثها "أنا لو مواقفتش قدام الكاميرا بحس إني هموت، الكاميرا بقت جزء من حياتي لأني من وأنا طفلة في المدرسة وأنا بمثل وانا عندي 16 سنة، لكن كل الأعمال اللي بتتعرض عليا سطحية وأدوار مكررة، أنا عشان أقف قدام الكاميرا لازم أكون مقتنعة وسعيدة بالعمل، واحس إني بقدم شخصية جديدة فيها تحدي " .
مواصفات فتي أحلامها
كذلك أوضحت الفنانة مواصفات فتي أحلامها في العام الجديد فقالت "معنديش مانع لو لقيت ابن الحلال ، بس يكون ابن حلال مش طالبة أكتر من كدة، أحس بسند يكون سندي وراجل مقدر قيمتك وحنون وتحسي جنبه بالأمان لأن الاحساس بالأمان ده أهم إحساس في العالم " .
سر الحفاظ علي رشاقتها
وتطرق الفنانة للحديث عن سر رشاقتها فقالت " الرياضة شيء مهم جدا للناس كلها، ومش بس الرياضة في حاجات تانية، أنا حارمة نفسي من الأكل طول الوقت، وربنا فوق أي حاجة هو اللي بيدي الشكل الحلو والروح الحلوة، وحب الناس من حب ربنا ".
وأضافت"والتصالح مع النفس لا بتحقدي على حد ولا بتغيري من حد لأن الحاجات دي بتعمل تجاعيد في الوش، وأما تبقى متصالحة مع نفسك بتكوني سعيدة وبتحبي الناس وده بيطعل على وشك وتصرفاتك، السعادة بتيجي من الرضا بالنفس، ومش أي حد بيقدر يحرم نفسه من الأكل وده عذاب علي فكرة" .
وتابعت عن سر حفاظها علي رشاقتها معبرةً "أنا بعتبر نفسي أما بحافظ على شكلي ومظهري بحترم جمهوري، مينفعش الفنان يطلع شكله وحش و تخين ومنظره كئيب، لازم أكون متنزنة طول الوقت شكلي يكون صح ولياقتي البدنية صح برضو " .
