فن وثقافة

نادية الجندي تكشف عن طقوسها في رأس السنة وسر رشاقتها

الإثنين 02/يناير/2023 - 07:30 م

نور أحمد

كشفت الفنانة نادية الجندي، عن كيفية حفاظها على رشاقتها حتى الآن، وذلك بعد حديث الجميع عن هذا الأمر عقب جلسة التصوير الأخيرة التي خضعت لها.

وقالت نادية الجندي في تصريحات لبرنامج "الستات" المذاع عبر فضائية النهار: "لازم الفنان يبقى قدوة ونموذج للناس كلها ولما بحافظ على شكلي ومظهري بحس ان ده احترام لجمهوري والناس كلها".

وأضافت نادية الجندي: "الناس بتقولي إنتي بتحترمينا وإحنا بنحبك، والفنان مينفعش يكون شكله وحش ومنظره كئيب ووزن زايد، ولازم يكون قدوة وجزء من عملي لازم يكون شكلي صح ولياقتي البدنية صح".

وأردفت: "الثقافة العامة دلوقتي إن الناس كلها ستات ورجالة بيخلوا بالهم أوي من جسمهم وبقى فيه ثقافة الرياضة والرشاقة والتجميل، وده ملهوش علاقة بالعمر وشايفة ان الوعي زاد اوي عن زمان وده حاجة جميلة".

بألوان البحر والسماء.. نادية الجندي في إطلالة مبهرة لصيف 2022 (صور) | المصري اليوم

وعن سر رشاقتها، قالت نادية الجندي: "الحرمان من الأكل طول الوقت والرياضة لوحدها مش هتخليني جسمي حلو ولا عندي رشاقة، وطبقا ربنا الأول هو اللى بيدي الإنسان الشكل الحلو والكاريزما اللى تخلى الناس تحبه وتتقلبه حتى لو كانت بسيطة".

وتابعت: "ربنا فوق أي اعتبار، وثانيا التصالح مع النفس ولا الغل مع الغير ولا الحقد علي أحد، لأن الغل والحقد بيطلع تجاعيد علي الوش بنلاقي الواحد شكله كئيب وكله غل لأنه كاره الناس وحقد علي الناس، إنما لما بنضحك بنكون متصالحين مع نفسنا وحب الخير للناس".

وعن احتفالها برأس السنة 2023، قالت نادية الجندي إنها تملك طقوسا خاصة للاحتفالات وإنها تفضل البقاء في البيت مع ابنها، لقراءة القرآن والتقرب من الله والدعاء بأن يكون هذا العام أفضل بالنسبة لهم.