بملعقة واحدة.. 6 فوائد للعسل تحدث في جسمك لن تصدقيها.. ما هي؟
رانيا يوسف:« طول عمري بلبس مايوه وهذه حقيقة زواجي من أحمد الفيشاوي»
السبت 31/ديسمبر/2022 - 11:39 م
نور أحمد
علقت الفنانة رانيا يوسف، على الهجوم الذي تتعرض له بشكل دائم عبر منصات التواصل الاجتماعي، وذلك بسبب ملابسها الذي يعتبرها البعض جريئة.
مش هتغير
وقالت رانيا يوسف في تصريحات تلفزيونية لبرنامج "كلام الناس" الذي تقدمه الإعلامية ياسمين عز :" معرفش ليه الناس بيقولوا أني جريئة، وأنا بنزل صوري بالمايوه لأني طول عمري بلبس شورت ومايوه مش هتغير عشان أرضي حد".
وأضافت :" ولو مش عاجباك متابعنيش، وبناتي بيقولوا لي خليكي براحتك وبحريتك ومتتغيريش، وواخدين مني قوة الشخصية بحكم اللي شافوه معايا".
وعن شخصيتها قالت رانيا يوسف :" أنا ممكن أكون بمليون راجل لأني بشتغل من وأنا 16 سنة وشايلة مسئوليات واتعودت أصحى الصبح أعمل كل حاجة، ومش مستنية حد يعمل لي حاجة".
وأردفت :" كنت أتمنى أكون مدلعة، ولكن الدلع فيه عيوب بردو لأن لو الشخص اللي معتمدة عليه دا راح الدنيا هتقع".
وفي الحلقة ذاتها، كشفت رانيا يسوف، حقيقة زواجها من الفنان أحمد الفيشاوي، بعد الصورة التي جمعتهما سويًا في كواليس فيلمهما الجديد ورد وريحان، والتي أثارت جدلا واسعا على موقع التواصل الاجتماعي.
وقالت رانيا يوسف :" الناس طلعت شائعات إني هتجوز أحمد الفيشاوي بسبب الصورة، وإحنا لايقين على بعض بس أنا مش ناوية أتجوز، وأنا وأحمد بنعمل فيلم وكنا بنقرأ السيناريو في الصورة، الجواز سهل ولكن المشكلة هتجوز مين؟ مين هيفهم ظروف حياتي؟".
وأردفت :" أنا بخاف من الحسد لأن نجمي خفيف ومن أقل حاجة الناس مركزة معايا ومهتمين بأخباري، ولكنهم مش بيركزوا على شغلي وبيشوفوا أنا بلبس إيه مع إن فيه ناس بتلبس أكتر مني، والقالب غالب لأننا ممثلين ولازم نهتم بـ شكلنا وجسمنا ونكون قدوة للناس".
