كلام ستات

«بسبب رسم الحنة في مكان حساس».. عريس يطرد زوجته في الصباحية

الثلاثاء 27/ديسمبر/2022 - 11:18 م

ساندي جرجس

نشرت إحدى الفتيات مشكلة تخص شقيقها وزوجته على موقع التواصل الاجتماعي "فيس بوك"، تطلب من خلاله آراء الناس في تعليقات على ما حدث من خلاف بينهما أدى إلى الطلاق.

وكتبت شقيقة الزوج في منشورها: «اخويا رجع مراته بيت ابوها تاني يوم الفرح ومصمم بشكل نهائي على الانفصال بسبب إنها عملت رسمة حنة فى الكوافير فى مكان حساس جدا وما ينفعش حد يشوفه غيره هو، سألها الرسمة الحلوة دى رسمتيها فين قالتله فى الكوافير قالها طيب الصبح تلمى هدومك وتروحى بيت أبوكى، أنا مرات أخويا ما تتعراش فى الدكاكين، هي اترجت أخويا يعديها وإنها غلطة ومش هتتكرر بس هو أصر إنها تمشي».

وتابعت: « رغم إنه واخدها عن حب وفى البيت عندها اتفاجئنا برد فعل ابوها وامها وقالوا خلاص بنتنا عندنا ابعت ورقه طلاقها ونيجي ناخد العفش وحقها ومحدش علمها الغلط ولا أبوها ضربها قلمين إحنا دلوقتي عايزين نعرف هو مدخلش بيها تاخد إيه في حقها عشان ميضحكش علينا».

وكانت التعليقات كالآتي:

علقت هالة: «لو حضرتك خرجتي من الموضوع هيتحل ويبقى تمام وحسبي الله ونعم الوكيل في كل ظالم».

بينما قال احمد ساخراً: «مش هنقدر نفصل في الموضوع غير لما نشوف الرسمة، ماجايز تطلع حاجة بسيطة ومتستاهلش».

وعلقت إسراء: «هتاخد كل حقوقها عشان حصل بينهم خلوة شرعية اللي هي من بليل للصبح حتى لو مدخلش بيها فطلاما حصل بينهم خلوة هتاخد كل حاجة نهاهاهاها».

وقالت ماجدة: «لاحول ولاقوة الا بالله العلى العظيم أنت بدورى على اللى حاتخده من الحاجة مش بدورى على سمعتها وسط الناس وهى راجعة تانى يوم دخلة حسبى الله ونعم الوكيل».

بينما علق رضا: «يا ولدى اعرف أن المسألة حساسة جدا وانت كرجل شرقى محافظ على بيته غيور على زوجته لم تتحمل ما رأيت والواصح انك تزوجت بطفله فرحة بما عملت وتحسبه الصنع الجميل متصورة أن هذا يسعدك وردك طبيعى جدا.. لكن.. تعالى نراجع انفسنا.. تزوجت عن حب.. واصهارك يبدوا أنهم أناس متحضرون ..صعب ان يناقشوا فى هذه المسألة الحساسه ..فما كان قد كان ؟عليك الان أن تحاول التواصل مع زوجتك ومعاتبتها باللبن ثم تأخذ معك علبة جاتوه وتزورها وتصالحها وتعود بها إلى بيتك ..لا داعى العناد ..فى هذه المره ياكلمك كرجل قانون ..لا داعى يتخسر كثيرا جدا ...وانا مشفق عليك ..استشعر بكل المرارة التى عشتها..ولا تنقاد وراء أحد ..هذه حياتك ولن ينفعك أحد ..اصلح الله بينكما وصرف عندما كل سوء وهداكما للخير».

كما قالت دعاء: «صعبان عليه ان واحدة ست عملت لمراته رسمه.. ومش صعبان عليه الخلق ال هتعرف السبب وهتتخيل الرسمه ومكانها.. اذا بوليتم فاستتروا.. هي غلطانه تمام ومعاه حق يزعل او يعاتب، انما لا قدر سمعتها ولا الراجل ال سلمه الامانه ولا عمل حساب للحب ولا الميثاق ولا حتى ان عنده اخوات بنات.. وابوها طبعا جدع اولا لانه عرف ان ده مش يصلح زوج لبنته ولانه واثق منها.. وارد يوبخها او يزعلها لكن مش هيكسرها ادامكم ويتحايل عليكم تردوها لان وقتها هتعيش مكسورة بينكم وكأنكم ماسكين عليها ذلة.. اتقوا الله ف بنات الناس.. العقاب والعتاب له حدود ده ال بيكتشف حاجة وحشه ف عروسته بيقولوا له استر عليها وسيبها بعد فترة.. فمابالكم بال يفضح مراته يوم الصباحية.. لا حول ولا قوة الا بالله».

وعلق عبد الله: «ردود تحيزيه خالص ومحدش بيتكلم في الصح ودي تعدي عليه ودا يدعي عليها اي يجدعان انتو دماغكو راحت فين احنا نتكلم بالصح والغلط وان الدين مصرح اي ومش مصرح اي بلا فرحه بلا هطل احنا منعرفش اذا كانت حلال ولا حرام اصلا انها ترسم رسمه في مكان حساس ولا مش حرام ف منحكمش ع الكتاب من غلافه ولا نعرف اصلا الي حصل بينهم اي وقتها وطريقه الكلام بينهم واسلوبهم مع بعض مش يمكن ردودهم ع بعض هيا الي عملت ازمه انو يمشيها يوم الصباحيه او رد هوه الله اعلم ف نخلينا متحضرين في تفكيرنا ومنفلش نحكم من غير ما نعرف».