توك شو

شذى: «أعيش قصة حب وسيرة تامر حسني بتقلب مزاجي» (فيديو)

الخميس 22/ديسمبر/2022 - 02:07 م

الفنانة شذي

بسمة خالد

كشفت الفنانة شذى، تفاصيل علاقتها بزملائها بالوسط الفني وخاصة غضبها وحزنها من الفنان تامر حسني، بالإضافة إلى العديد من الفنانين وذلك خلال حلولها ضيفة في برنامج "أنا سعيد"، الذي يقدمه الإعلامي سعيد جميل، عبر قناة "القاهرة والناس"

سبب غضب شذى من تامر حسني

تحدثت الفنانة شذى عن سبب غضبها من الفنان تامر حسني وقالت " سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر" .

وأكملت شذى حديثها: "على المستوى الشخصي والمهني تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأن الصحاب لازم يكونوا ضهر لبعض، خصوصًا لو أنت كنت كويس معاه قبل كده، عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا "

شذى زعلانة من رامي صبري وتامر عاشور

كما عبرت شذى عن حزنها من باقي زملاء الوسط الفني قائلة "رامي صبري مباركليش على أغنيتي الجديدة مع إنه كان حاضر معايا المشاكل اللي حصلت، ولكن ممكن يكون اتشغل، وتامر عاشور مباركليش، مع إنهم أصحابي على طول على تواصل وبباركلهم، وأنا مبزعلش من رامي لأنه طيب وكان في ضهري وبيديني نصايح" .

حالة شذى العاطفية

كما تطرقت شذى للحديث عن حالتها العاطفية فقالت " بعيش قصة حب حاليا من بني آدم كويس وطيب ومحترم، لكن عنده كذا تجربة ماكنتش كويسة، وأنا ما عنديش مشكلة أقف جمبه، ومش عندي ثقافة نزعل كتير بحس إن عمرنا أغلى من أننا نضيعه بدل الزعل "

وتابعت "علاقات التوكسيك والنرجسيين زادت اليومين، لأن كل واحد عاوز يرتاح ومش بيدور على راحة التاني، لكن لو فكرنا أن العلاقة بين الاتنين هنرتاح، لكن الراجل عاوز مواصفات معينة والبنت عاوزة مواصفات معينة"

واختتمت شذى حديثها عن الفرق بين الجيل الحاضر والجيل القديم فقالت "جيلنا غير جيل أهالينا لكن الراجل بيدور على واحدة شببه مماته، وده ظلم لوالدته وللشخصية اللي هيرتبط ببها، والبنت بتدور على واحد شبه باباها، لكن الجيل الحالي حياته مختلفة" .