بماذا ينصح الأطباء لحماية بشرتك من أشعة الشمس؟
«متتخدعوش بالضحك» ياسمين علي تكشف عن نجاتها من حادث مروع| صور
الثلاثاء 20/ديسمبر/2022 - 07:09 م
ياسمين علي
بسمة خالد
كشفت الفنانة ياسمين علي عن تعرضها لحادث مرير واشتعال حريق في منزلها نتيجة حدوث ماس كهربي خلال الساعات القليلة الماضية ،وذلك عبر حسابها الشخصي علي موقع فيسبوك
وكتبت ياسمين علي في منشورها موجة رسالة لـ كل حاسد وكل شخص غير راضي بقضاء الله "مابحبش الطاقة السلبية والله بس اعمل ايه طيب ،هاحكيلكم حاجه صغننة امبارح الساعه 2 بليل من العادة ببقي قاعدة مع بابا وماما ويحيي بنتفرج عالتليفزيون قمت عشان أروح أوضتي أنام..دخلت الأوضة قعدت دقيقه شامه ريحة بلاستيك محروق ومش فاهمه الريحه جايه من فين فجأة بدون مقدمات وربنا عالم باللي هاقوله “لقيت السقف على وسعه مولع نار كله بمعني الكلمه وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه " .
واستكملت حديثها "كل ده ف لحظات اتاري الجار من فوق في مية بتنزل من عنده عالسقف عندنا فعملت ماس فالكهرباء وحصلت النار اللي شوفتها دي.. لو ماكنتش دخلت الاوضه ف التوقيت اللي روحت فيه الله أعلم كان حصل ايه..وقبلها بكام يوم كنا لسة عاملين حادثة بالعربية مع عربية نقل كبيرة"
واختتمت الفنانة حديثها معبرة "ما تنخدعوش بالضحك اللي بضحكه ..كل واحد له فيلم عايشه ..احمدوا ربنا علي كل لحظة امان انتوا عايشينها بدون ترويع وعدم ستر وماتبصوش لحياة حد ابدا من برة" .
آخر أعمال ياسمين علي
الجدير بالذكر أن الفنانة ياسمين علي قد طرحت مؤخرا، تتر مسلسل "الضاحك الباكي"، الذي خاض بطولته كلا من النجوم عمرو عبد الجليل، رزان مغربي، مصطفى شوقي، فردوس عبد الحميد، وغيرهم من الفنانين، من إنتاج شادي أبو شادي، وكريم أبو شادي، الذي تدور أحداثه حول سيرة الفنان الراحل نجيب الريحاني ،والعمل من تأليف محمد الغيطي، وإخراج محمد فاضل .
