ياسمين عز للزوجة الثانية: راعي ربنا في ضرتك.. ومفاتيح الرجل 3 حاجات

أثارت الإعلامية ياسمين عز الجدل من جديد بعد تخصيص حلقة من برنامجها "كلام الناس"، للحديث عن آداب تعامل الزوجة الثانية مع الزوجة الأولى، وهو ما تداوله رواد مواقع التواصل الاجتماعي بشكل كبير في الساعات الماضية.

فوجهت نصائح للزوجة الثانية قالت فيها: "أرجوكي بلاش تشوفي إنك أحسن من الزوجة الأولى في أي حاجة، لأي سبب، على سبيل المثال، لو زوجته الأولى مش بتخلف، إوعي تفكري إنك أحسن منها، دي نعمة ربنا ادهالك فبلاش تفكري إنك أحسن منها".

واسترسلت حديثها: "لو إنتي أصغر منها في السن، بلاش جو معاملة طنط، وتتعمدي تلعبي على الحكاية دي، لأن بكره هتكبري، وكلنا بنكبر، والله أعلم جوزك هيعمل معاكي إيه لما تكبري، وحاولي تراعي ربنا في ضرتك الزوجة الأولى عشان ربنا يكرمك، في مثل بيقول مركب الضراير سارت ومركب السلايف حارت".

كما تطرقت للحديث عن الطريقة الصحيحة لتعامل الزوجة مع زوجها موضحة "مفاتيح الرجل 3 حاجات، أمه وأخته وودنه ،أمه، إنتي عارفه حماتك، وهترجعهولك، وأخته إنتي عارفة التعامل معها يكون إزاي، وبالنسبة لودنه فهو عايز يسمع كلام حلو، هيشوفك ست الكل ومحور الكون "

وأضافت: "لو جوزك اتجوز عليكي ورجع واعتذر، يا أهلا بيه والله يخليه، مفيش كلمة طلاق، إحنا بنصلح البيت، وبنسامح الراجل اللي غلط واعتذر، عشان نحافظ على البيت".