وجهت الإعلامية ياسمين عز عدد من النصائح للسيدات.. مؤكدة أن مفتاح الرجل ثلاثة أشياء لا غير.

وقالت ياسمين عز في تصريحات لبرنامجها "كلام الناس" المذاع عبر فضائية MBC مصر: "إن مفاتيح الرجل 3 حاجات، وهم أمه وأخته وودنه". 

وتابعت نصيحتها :" أمه، إنتي عارفه حماتك، وهترجعهولك، وأخته إنتي عارفة التعامل معها يكون إزاي، وبالنسبة لودنه فهو عايز يسمع كلام حلو، هيشوفك ست الكل ومحور الكون".

وفي حالة أن قرر الزوج الزواج على زوجته قالت ياسمين عز :" لو جوزك اتجوز عليكي ورجع واعتذر، يا أهلا بيه والله يخليه، مفيش كلمة طلاق، إحنا بنصلح البيت، وبنسامح الراجل اللي غلط واعتذر، عشان نحافظ على البيت". 

وأردفت: "الراجل غلبان وغلط ورجع لصوابه والعتاب بعدين، متبقاش هي قاعدة رجلها في الشمس وأنتي وشك يكون قد اللقمة وتتمنعي عن الرجوع".

واستطردت ياسمين عز في حديثها وقالت: "حطي جوزك فوق السطوح ولو ليكي نصيب فيه مش هيروح، وحرصي من القريب قبل الغريب ومينفعش جوزك يوصل صاحبتك لوحده ومينفعش تثقي في حد غير في نفسك وأهلك ورقم جوزك متديهوش لحد ولا تقولي شغله فين ومتحكيش عن حلاوته لحد حتى الدليفري أطلبي من موبايلك، لأن واحدة ممكن تكلم المطعم وتحاول تجيب رقم جوزك".

ويجدر الإشارة إلى أن في وقت سابق تم ترويج شائعة عن إيقاف برنامج الإعلامية ياسمين عز "كلام الناس" المذاع عبر فضائية MBC مصر،لكنها سرعان ما نفت هذه الشائعة، وأكدت على إنها تحضر لحلقة رأس السنة.