تحدثت الفنانة الأردنية أميرة نايف عن كواليس دورها في فيلم "جاءنا البيان التالي"، أمام النجم محمد هنيدي، وذلك خلال حلولها ضيفة على برنامج "كلام الناس" المعروض عبر قناة "إم بي سي مصر"، مع الإعلامية ياسمين عز.

أميرة قالت عن مشهد الإغراء في الفيلم: "كنت حاسة بخجل.. مكنتش عارفة أعمل مشهد الإغراء عشان الفنان محمد كامل هو اللي بيقدم الدور قدامي وده زاد من خوفي أكتر، لأنه زوج خالتي في الحقيقة، كنت زي بنته وبيشيلني على رجله دايما ويجيبلي شيكولاتة، فكنت مكسوفة أعمل الدور ده معاه".

وأضافت: "دخلت تحدي مع نفسي إني لازم أسيطر على الحدث، وقلت للمخرج سعيد حامد ده جوز خالتي، قالي لأ ده الصحفي اللي معاكي في الفيلم، وزعق فيا قالي عاوز واحدة مسيطرة".

تزوجت بدون اختياري

"وعن أدوار الإغراء قالت: "قدمت الإغراء في مسلسل الريان وكانوا عاوزين يفصلوا لي حاجات مفتوحة شوية من الصدر، وقلت لهم شوفوا الأداء هيودي لفين.. الإغراء الطبيعي أكون لابسة قصير، لكن ممكن ألبس طويل بس مجسم إلى جانب الحركة والأداء، وده لأن الفنان لازم يعتمد على كل تفصيلة جواه".

اقرأ أيضًا..

بعد استخدام البلوك.. القصة كاملة لخلاف سيرين عبدالنور ونادين نجيم

وعن حياتها أضافت: "اتجوزت بدون اختياري كان معجب بيا واختارني وأقنعني بالموافقة عليه وكنت وقتها صغيرة في السن، لكن لما كبرت حسيت أن طريقة تفكيري مش متوافقة مع زوجي الأول وانفصلنا".

وتابعت: "خلعت زوجي الثاني لأنه حاول يقتلني، بعد الجواز بشهرين ظهر على حقيقته وبقى يتعامل معايا بعنف، طلبت منه الطلاق وقولت له مفيش توافق بينا وكان رافض، فضلنا متجوزين سنة وكنت بطلب منه الانفصال وأننا نفضل أصدقاء واستعنت بأهلي وسفارتي الأردنية في دعمي للانفصال عنه".