بنك نكست يوقع بروتوكول تعاون مع صندوق التنمية الحضرية لدعم التطوير العقاري
شيرين رضا ترفض إقامة حفل زفاف لابنتها.. وتعلق على تعاونها مع دينا الشربيني
الإثنين 12/ديسمبر/2022 - 07:42 م
نور أحمد
أدلت الفنانة شيرين رضا، بتصريحات بشأن زواج ابنتها نور عمرو دياب، والذي من المنتظر أن تحتفل به خلال الفترة المقبلة.
وقالت شيرين رضا في تصريحات لـET بالعربي، إنها ترفض أن تقيم حفل زفاف لأبنتها، وإنها لا تؤمن بمثل هذه الأمور والعادات.
وأضافت: "إحنا معندناش الأفراح إحنا لا نؤمن بهذه الأشياء، أنا عمري ما لبست فستان فرح، لبست في التمثيل لكن في الحقيقة لا".
وتابعت: "كل واحد حر يعمل اللي هو عاوزه وهي وأنا مش كده متربناش كده دي أفكار شخصية أنا بشوف أن الحفلة الكبيرة فلوسها كتير أوي".
وأردفت: "ليه هما ميستمتعوش بالحاجات دي أكتر من فستان الفرح والقاعة والمصاريف الكتير، كل دا علشان ليلة واحدة ياخدوا الفلوس دي يستمتعوا بيها".
وعن موقف ابنتها قالت: "هي مش عاوزة تعمل فرح وأنا عمري ما كنت عاوزة أعمل فرح، هشوف لسه الاحتفال إزاي المهم أن هي وجوزها وأهله وأهلها وأصدقائهم المقربين يفرحوا مش نعزم ناس شفناهم السنة اللي فاتت علشان ميزعلوش ويجوا وينتقدونا دا مش هيحصل".
وسبق أن تحدثت شيرين رضا عن تفاصيل علاقتها بزميلتها الفنانة دينا الشربيني، واشتراكهم في تصوير حكاية "ولو بعد حين" من مسلسل "حدث بالفعل".
وأكدت شيرين رضا في تصريحات لبرنامج ET بالعربي أن صداقتها بدينا الشربيني منذ فترة طويل، وسبق وأن جمعهما أعمال فنية سابقة قائلة: "اشتغلنا مع بعض قبل كده في فيلم كدبة كل يوم وأن إحنا جالنا فرصة نشتعل مع بعض تاني دي فرصة جرينا عليها بصراحة".
وأضافت: "أنا كان المفروض أصور الحلقة التانية من المسلسل لوحدي ولكن لما قالولي تعملي حلقة مع دينا الشربيني إحنا الاتنين قولنا طبعا عشان نقدر نقابل بعض".
وأردفت: "مكانش عندنا فرصة نقابل بعض في الحياة العادية لأن كل واحدة فينا مشغولة في مشاريعها الفنية".
وأكملت شيرين رضا حديثها: "إحنا فضلنا قاعدين مع بعض 6 أو 7 أيام وهي كان عندها كرفان وأنا كمان بس إحنا كنا بنقعد في كرفان واحد".
وعن المسلسل قالت: "طالعين إخوات المسلسل عن قصص حقيقية، المؤلف أخذ قصص من دكاترة نفسيين في الوطن العربي وأخد منهم القصص الحقيقية المفزعة".
وفي سياق آخر كشفت شيرين رضا، عن سر غيابها عن التواجد في السباق الرمضاني لموسم 2023، لأنها دخلت في العديد من المشاريع الفنية في الفترة الماضية، ولذلك تشعر بأنها مرهقة وتحتاج للراحة.
اقرأ أيضًا..
