حلت الإعلامية إنجي علي ضيفة مع الإعلامي سعيد جميل، في برنامجه "أنا سعيد" المذاع عبر شاشة قناة "القاهرة والناس"، وصرحت بالعديد من الآراء المثيرة للجدل التي تداولها الجمهور في الساعات القليلة الماضية، وتستعرض «هير نيوز» أبرز هذه التصريحات.

تحدثت إنجي علي عن أهمية الاستقلال المادي للمرأة، وقالت: "استقلال الست المادي بيخلي قرارها من دماغها، وأنا اتجوزت مرتين والاتنين محترمين جدًا بكن ليهم كل حاجة حلوة، وأنا بحب الراجل الناجح اللي عنده طموح، ومقدرش أتجوز حد فاشل أو قاعدلي في البيت طول الوقت زي البروطة، أنا مبحبش النوعية دي لأني فعلًا بحب الشغل".

وأضافت إنجي علي "أنا لما نزلت للشغل منزلتش علشان أنا محتاجة ولكن نزلت علشان أنا حابة الشغل، حتى نزلت شغلانات بسيطة علشان أشوف إحساسهم، ودي حاجة كونت شخصيتي".

كما أبدت إنجي علي رأيها في مسالة المساوة بين الرجل والمرأة فقالت "أنا ضد المساواة بين الراجل والست، وأنا النهاردة شايفة إن ده أحد الأسباب اللي عمل خلل في المجتمع، موضوع إن الست طول الوقت بتطلب المساواة، والستات النهارده أخدوا حقهن تالت ومتلت على جميع المستويات، ده من وجهة نظري وده رأيي".

اقرأ أيضًا..

نيللي كريم: شعرت أنني مدمنة مخدرات بسبب «تحت السيطرة»

واسترسلت حديثها: "بقول للستات اللي بيضغطوا على أزواجهم وبيطلبوا أكتر من قدراته يهدوا شوية، والكلمة الحلوة بتفرق إحنا بقينا بخلاء حتى في الكلمة، وأقوى ست في العالم هي الست المصرية، لأنها ملهاش مثيل في أي حاجة، والناس بتحب الرجل المصري وخفة دمه".

وأكملت حديثها عن أهمية نزول المرأة للعمل فقالت " نزول الست للشغل بيخليها تهبش في أي حد بسهولة، وده حصل معايا لأني كنت شخصية خجولة ومبقدرش أقول لأ، لكن نزولي الشغل واحتكاكي بـ فئات مختلفة علمني إني أواجه".

واختتمت: "أنا بحب الناس ومقدرش أعيش من غير الناس، وربنا إداني نعمة كبيرة جدًا وهي نعمة الأصحاب، وأنا بشوف دايمًا إن اللي عنده أصحاب كويسين في الزمن ده يبقى محظوظ".