عمر مرموش يتصدر قائمة الأكثر تأثيرًا في الشرق الأوسط
أحرجت شقيقتها على الهواء.. صبا مبارك: بحب أكل الشوارع.. وهذه جنسية زوجي
الأربعاء 07/ديسمبر/2022 - 12:02 م
صبا مبارك
بسمة خالد
كشفت الفنانة صبا مبارك عن حبها للأكل بشكل كبير.. مؤكدة أنها تحب أن تأكل من المحلات المتواجدة في الشارع، كما كشفت عن جنسية زوجها، وذلك خلال حلولها ضيفة في برنامج "صاحبة السعادة" مع إسعاد يونس على فضائية dmc.
الجمع بين حب الأكل والرشاقة
وتحدثت الفنانة عن حبها الشديد للأكل قائلة: "باكل أي حاجة ممكن تتخيليها، باكل من محلات الشوارع، أي حد يبيع حاجة من الشارع أكلها، بحب الأكل أوي ".
وأوضحت سر حفاظها على رشاقتها فقالت: "بعد ما أخلص المالح بحب أحلي وبحب الأكل جدًا، وبحافظ على رشاقتي بأني جربت الدايت 5 وجبات فمعدتك بتفتح على الرابع فأنا لما أعوز أخس باكل وجبة واحدة، بالليل أحط كل أكلي في وجبة واحدة ".
وتابعت: " لما بعوز أخس بتبع هذه الطريقة، وبعود نفسي مع الوقت، وأنا لو تذوقت حاجة عجبتني لازم أجيب آخرها، وأنا أكيلة شوارع ماعدا الكبدة".
حياتها خلف الكاميرات
وتطرقت الفنانة للحديث عن حياتها خلف الكاميرات فقالت "أنا فى البيت تافهة ، وأزعل من أي حاجة وأتخانق مع أختى وأعيط زى العيال، ولما بسافر فى حتة محدش يعرفنى فيها، بلبس شبشب وأجرى فى الشارع".
وشاركت شقيقتها آية في الحلقة ذاتها وتحدثت عن عيوب الفنانة صبا فقالت "من عيوب صبا إنها بتضيع حاجات كتير".
كذلك كشفت صبا عن عيوب شقيقتها آية فقالت " هيا علي طول هادية فى الوقت اللى بكون فيه أنا على أعصابى، وفتانة، وعندية " .
جنسية زوجها
وكشفت الفنانة صبا مبارك عن جنسية زوجها فقالت " أنا اتولدت فى السعودية، و عشت فى مصر وسوريا، الإمارات وتزوجت تونسي، وبحب كل الدول العربية " .
سر إنتاج بنات عبدالرحمن
كما أوضحت سر إنتاجها فيلم "بنات عبدالرحمن " فقالت: "سر إنتاجي لفيلم بنات عبد الرحمن إن ناس كتيرة قالتلي إنتي ممثلة ناجحة أوي فليه عايزة تنتجي؟ وبحس إن النجاح ملهوش حدود والفكرة إني ما بشوفش أعمال فنية كتير أبطالها نماذج ستات لكن الفيلم كان بطولة 4 ستات ".
وأضافت، "وإنك تعملي حاجة زي كده وتوزعي الأهمية على الأربعة بالتساوي ده إنجاز واللي حبيت أنه يتقدملي من منتج لما أجي أدخل في عمل قدمته للبنات اللي كانوا معايا، حتى لو هما مش مشهورين أوي أو كده بس هما ممثلات مهمين وبرضو علشان الفيلم قريناه وحبيت قصته أوي " .
