بملعقة واحدة.. 6 فوائد للعسل تحدث في جسمك لن تصدقيها.. ما هي؟
ياسمين عز تنصح الزوجات قبل كأس العالم: «حضريله الفشار.. وبلاش تنضيف»
السبت 19/نوفمبر/2022 - 09:44 م
نور أحمد
قدمت الإعلامية ياسمين عز نصائح خاصة إلى السيدات للتعامل مع الزوج وحالته النفسية خلال فترة مباريات كأس العالم التي تنطلق خلال الفترة المقبلة.
وقالت ياسمين عز في تصريحات تلفزيونية خلال برنامجها "كلام الناس" المذاع عبر فضائية MBC مصر،: إن كرة القدم ستكون ضرة الزوجة أو الخطيبة خلال شهر كأس العالم.. قائلة:" الست الواعية هي اللي تعرف تتعامل مع ضرتها وتخرج من الشهر ده بأقل الخسائر وأكثر المكاسب".
وقدمت ياسمين عز نصائح خاصة للسيدات خلال تلك الفترة وقائلة:" تخيلي إنك مسافرة ومشوفتيش أمك من 4 سنين، لهفتك على أمك هي نفس لهفة جوزك وهو منتظر ماتشات كأس العالم، ومتحاوليش تقللي من شغفه، وكل شوية تقولي مالك ملهوف على الماتشات وسايبني، لإن وقتها هتسمعي رد مش هيعجبك".
وتابعت :" حالة النظافة المفاجئة وتلميع الشاشة وتنظيف النجف وتشغيل المكنسة ملهاش لازمة وقت الماتشات، وع بداية الماتشات كل يوم الساعة 12 الظهر، جوزك يلاقي الفشار والحاجة الساقعة والريموت وكل حاجة متظبطة، أثر ده على نفسيته هينعكس عليكي بعد كده".
وأردفت :" من فوائد شهر كأس العالم إنه بيعرفك قيمة جوزك، وأنتِ واقفة عند الكاشير في السوبر ماركت متنسيش تدعي لجوزك اللي سايبلك الفيزا، وعمره ما حسسك بغلاء الأسعار، و طول شهر كأس العالم بلاش الأسئلة اللي بتجيب تصلب شرايين للرجالة، وخاصة أعملك إيه على الغدا".
شاركيه اهتماماته
واستطردت:" حتى لو مش بتحبي الكورة، حسسيه إنك بتشاركيه اهتماماته، أسأليه بتشجع منتخب إيه، وإتفرجي معاه وشجعي من غير مبالغة".
وعن فتيات كأس العالم قالت :" المخرجين في كأس العالم بيركزوا على البنات الحلوة في المدرجات، لو جوزك بص للشاشة وابتسم ده معناه إنه مبسوط بالحدث ككل، مش إنه معجب بالست اللي في المدرج، ولو قلت لجوزك اقفل عينك لم الكاميرا تيجي على بنت حلوة هيقفل منك".. مختتمة حديثها بـ:" الراجل قلبه واجعه على غياب منتخبنا عن كأس العالم، متبقيش أنتِ والزمن ومنتخب السنغال عليه".
اقرأ أيضًا..
