حوادث

زوجه تطلب الخلع: «مش بيستحمى وريحته وحشة»

الأربعاء 16/نوفمبر/2022 - 08:19 م

هويدا علي

وقفت الزوجة الشابة أمام قاضي محكمة الأسرة يكسو ملامحها الحزن رغم كونها امرأة شابة بها بعض الملاحة في الوجه وبعض التعابير التي تدل على أنوثتها، التي ربما رأتها في نفسها في حين لم ير ذلك زوجها.

جاءت إلى المحكمة طالبة الخلع منه بعد أن حاولت معه بكل الطرق وطلبت منه تغيير بعض عاداته التي كانت سببا في نفورها منه.

وقالت للقاضي بلهجة حزينة "أنا وزوجي متجوزين من سنة في الأول كان مهتم شوية بنفسه ومكنتش بلاحظ عليه الريحة الوحشة دي، مع إني كنت عارفة أنه شغال في الصرف الصحي بس وافقت عليه عشان قولت راجل يحمينى لكن بعد الجواز بفترة قصيرة كان لسه مهتم بنظافة نفسه جدا لحد ما بدأنا ناخد على بعض وبقي بيكسل يستحمي بالشهور، ويقولي أصلي راجع تعبان أصلا وأنا اتعودت على الريحة وعايز ياكل وينام بنفس اللبس اللي كان شغال بيه" .

مبيستحماش

وأضافت، "فضلت شهور بحاول اتحمل الوضع لحد ما وصلت لمرحلة أني مبقيتش قادرة أقعد معاه في بيت واحد ريحته مسيطرة على الشقة كلها وبتكسف لما حد يبقي عندنا ويكون شامم الريحة دي، ووصل بيا الحال في الفترة الأخيرة أنه مكنتش بطيق أنه يلمسني او يقرب مني وبدأت اتهرب منه عشان يبعد عني لكنه ظل في إلحاحه لحد ما قولتله انت لو فضلت بريحتك دي مش قاعدالك في البيت، ساعتها بدأ يراضيني وكان يستحمى مرة ويفضل بعدها بالشهر مايحولش أنه يفكر يعملها تاني، لحد ما وصل بي الأمر أني جيت للمحكمة عشان أخلعه".

وتابعت: "زوجي بيكسل يستحمي وأنا مش طايقه ريحته اللي ليرجع بيها من الشغل عشان كده جيت النهارده طالبة حل لمشكلتي".