تحدثت الفنانة نهال عنبر عن أسرار من حياتها الشخصية وعلاقتها بأولادها وأحفادها، خلال حلولها ضيفة في برنامج "صاحبة السعادة" من تقديم الإعلامية إسعاد يونس عبر قناة dmc.

تحدثت نهال عنبر عن علاقتها بأولادها وأحفادها موضحة أنها تتبع أسلوب الشدة معهم قائلة: "أحفادي بيعتبروا إني ماما وبابا وأنا شديدة معاهم ساعات، كنت شديدة على حسام ابني أكتر لكن أحفادي مش عنيفة معاهم ببقى شديدة بس، وقعدت قبل كده مخاصماه شهرين عشان كان عايز يروح ديسكو عشان خرم الباب بإيده، ولاقاني ماسكة سبت الزبالة راح جري من قدامي، دخلت قولتله شهرين مش هنتكلم فيهم".

وتطرقت الفنانة للحديث عن بدايتها الفنية وكيفية تعامل أهلها مع دخولها الفن فقالت: "كانت عيلتي عاملة مشاكل في تمثيلي ومامتي كانت قاسية وواصلة بينا لقطيعة، ووقتها كنت ماسكة شركة بقالي 10 سنين فيها، 5 سنين وانا مديرة فرع كنت ممثلة، وكان عندي 17 سنة وعملت فوازير مع سمير غانم، واتقالي أنا مش مصدق إنك أول مرة تمثلي".

شاهدي.. أول ظهور لـ شيرين عبد الوهاب مع حسام حبيب بعد زواجهما مجددًا

وتابعت الفنانة حديثها في سياق آخر عن أول عمل لها مع الزعيم عادل إمام فقالت عنه: "منمتش يوم تصويري في طيور الظلام، وقعدت أقول هصور مع عادل إمام ازاي وكنت مرعوبة واخد في لبن سخن وينسون عشان أنام، وكان أول مشهد على البحر، ولما دخل يهزر ويضحك قالي عايزك تبقي لمضة وشخصية، وأنا هقف معاكي، وهو قمر وأنا بموت فيه".

يشار إلى أن آخر أعمال الفنانة نهال عنبر السينمائية فيلم "فارس"،  بطولة أحمد زاهر، حسين فهمي، إيمان العاصي، نهال عنبر، منة فضالي، صلاح عبد الله، وغيرهم، ومن تأليف حسام موسى، وإخراج رؤوف عبد العزيز، وتم طرحه بدور السينما يوم 18 من شهر مايو الماضي في دور العرض.