بملعقة واحدة.. 6 فوائد للعسل تحدث في جسمك لن تصدقيها.. ما هي؟
مروة صبري: «حسام حبيب مظلوم.. وغلطان أنه وافق يرجع لشيرين تاني»
الأحد 13/نوفمبر/2022 - 06:05 م
مروة صبري
بسمة خالد
تحدثت الإعلامية مروة صبري عن رأيها في زواج الفنانة شيرين عبدالوهاب من الفنان حسام حبيب مرة أخرى بعد ما حدث بينهما مؤخراً من مشاكل وقضايا موضحة أنها ترى أن الآخر مظلوم في علاقته بها.
تعاطف مع حسام حبيب
وتحدثت عن الأمر خلال برنامجها "قعدة ستات" المذاع على شاشة "القاهرة اليوم" قائلة "بعد كل اللي شفناه حسام حبيب مظلوم ويا حسام ،أنت اللي غلطان إنك وافقت ترجع لشيرين تاني، وأنت حر في اللي هيتعمل فيك، ولما يتقال عليك أنك بتاخد فلوس وعارفها مصلحة عشان شيرين عبد الوهاب وأنت مطرب لسه اسمك مش قدها أوي استحمل"
وأكملت كلامها "لما يتقال أن سرقت عربيات ومدمر حياتها وحياة بناتها وضربت بناتها وضربتها استحمل لما اي حاجة تطلع تتقال عليك متبقاش تزعل.. أنت حصل فيك مرة وأتنين وتلاتة وأربعة، وفي الآخر رايح تكتب كتابك على شيرين" .
انتقاد والد حسام حبيب
وعلقت مروة على البوست الذي نشره والد حسام حبيب وهو يبارك لابنه بعد عودته لشيرين عبد الوهاب معبرةً " الليفيل الأعلى أبو حسام حبيب هو رافض يعمل مداخلات لكن هو بيلعب مع جمهوره على السوشيال ميديا وهو من أسبوعين قاله أنت تربية ست والكلمة دي استفزت ناس كتير أوي والعالم كله وكان واقف مع شيرين ضد ابنه، دلوقتي بيباركله؟ "
وتابعت كلامها: " الموضوع بقى فيه كوميديا جدًا انتوا ردوا هو احنا فين وبنهزر ولا ايه ولا بنلعب ولا بتستخفوا بعقل الجمهور ،حاجة غريبة جدًا يا عم خليك بعيد أنت راجل كبير وسنك كبير وكان ليك موقف ورافض شيرين دلوقتي أنت مبسوط ومبارك الجوازة انت دلوقتي فرحان وعايز حفيد بسرعة وبتدافع عن حسام حبيب؟ "
واختتمت كلامها "أنا مش هدافع ولا ههاجم أنا هتناقش معاكوا.. انا قولت قبل كده يا شيرين يا فنانة يا موهوبة يا صوت مصر لو راحتك أنك تبقي مع حسام حبيب ارجعيله لأن دي حياتك انتي واختيارك ومفيش حد هيعيش عيشتك ولا يزعل على زعلك ولا يفرح لفرحك، وانتي عند فانز كتير بتتقلب عشان خاطرك.. الصراحة الموضوع بقى بايخ أوي حتى تعاطف الجمهور فقدته مفيش شك أن شيرين صوت مصر ومحبوبة جدًا لكن اللي حصل ده حاجة غريبة " .
زواج شيرين عبدالوهاب وحسام حبيب مرة أخرى
وكانت الفنانة شيرين عبد الوهاب قد أعلنت عودتها من جديد إلى طليقها الفنان حسام حبيب، حيث ظهرت الأولى مع طليقها إلى جانب "المأذون" وهما بصدد الزواج، في صورة تم تداولها على نطاق واسع في المنصات الاجتماعية المختلفة وهو ما أثار حالة غضب وجدل كبير بين الجماهير بسبب تعاطفهم معها في الفترة الأخيرة وزعمهم أن الفنان حسام حبيب هو ما وراء ماحدث لها من أزمات متلاحقة في الآونة الأخيرة خاصة بعد القضايا والخلافات الكبيرة بينهما.
