بملعقة واحدة.. 6 فوائد للعسل تحدث في جسمك لن تصدقيها.. ما هي؟
«الكرامة في الدرج».. تعليق صادم من ياسمين عز على عودة شيرين لحسام حبيب
السبت 12/نوفمبر/2022 - 09:58 م
ياسمين عز
نور أحمد
علقت الإعلامية ياسمين عز، على عودة الفنانة شيرين عبد الوهاب، إلى طليقها الفنان حسام حبيب، بعد عقد قرانهما خلال الساعات الماضية.
وقالت ياسمين عز في تصريحات تلفزيونية عبر برنامجها "كلام الناس" المذاع عبر فضائية MBC مصر: "أنا فخورة بشيرين ومبسوطة بيها وقلبي منتعش من الفرحة بعد عودتها لحسام حبيب وأنا بثقف لها لأنها ست أصيلة وقولنا إن الست ملهاش إلا بيت جوزها".
وأضافت: "قولنا مفيش كرامة بعد الزواج ومفيش كرامة بين الزوج وزوجته ونجمة الدنيا شيرين طبقت كلامي وقالتله يا سي حسام واعتذرت لحسام حبيب أمام الوطن العربي كله".
وعن ما فعلته شيرين: "شيرين طبقت كلامي بأن الكرامة تكون داخل الدرج بدليل قولها إحنا مش بنطفش إحنا بنعمر واعتذارها لصوتها العالي ولا كرامة بين الرجل ومراته وربنا يرضى على شيرين دنيا وآخرة".
- تصريحات شيرين عبد الوهاب
في الساعات الماضية أعلنت شيرين عبد الوهاب، عودتها من جديد إلى طليقها الفنان حسام حبيب، حيث ظهرت الأولى مع طليقها إلى جانب "المأذون" وهما بصدد الزواج، في صورة جرى تداولها على نطاق واسع في المنصات الاجتماعية.
وقالت شيرين: "أنا كويسة لسة بخضع لعلاجي النفسي اللي بخضعله من ساعة ما خلفت مريم وهنا، أنا باين على صوتي إني مش محتاجة حاجة".
وتوجهت بالشكر للناس قائلة: "أنا ممتنة جدا للناس عاوزة اقولهم انتم تعبتوا فيا وانا عمري ما هخذلكم ابدا، بشكر اللي قال كلمة حلوة واللي قال كلمة وحشة لانه ممكن يكون مضايق علشاني، قضيت ايام صعبة علشان اتاخدت على خوانة، انا لما صحيت تاني يوم في المستشفى قولت لنفسي انا قاعدة في مكان امين وباكل أحسن اكل وبنام أحسن نومة، وقولت ليه مستغلش ده في اني ابقى افضل، والناس كانوا مدلعني وبقيت احسن".
وشكرت شقيقها محمد عبد الوهاب لأنه عرفها على المستشفى "علشان علموني انام بدري وبصحى بدري"، كما تشكرت الصحافة والصحفيين وقالت: "من خلال برنامجك هشكر صحافة بلدي وبشكر صحافة الوطن العربي كله".
وأضاف: “أنا بعتذر لحسام عن الكلام اللي صدر مني في يوم من الأيام، وأنا النهارده عايزة أقفل صفحة حياتي مع الناس لأني كنت السبب في فتح الصفحة دي للناس وخليتهم انشغلوا بيَّ وسط مشاكلهم، أنا في عصمة راجل طيب جدًّا وحبيبي من البداية ولو قلت كلام ضايقه فدا شيطان بيحصل بين اي زوجين”.
