خطوات تطبيق سبا للجسم في المنزل
ياسمين عز: "الست بتعتم بعد الطلاق والرجل بلا عيوب"
الجمعة 11/نوفمبر/2022 - 03:01 م
ياسمين عز
بسمة خالد
من جديد تثير الإعلامية ياسمين عز، الجدل بعد تصريحاتها الأخيرة عن العلاقة بين الرجل والمرأة ونصائحها التي تغضب كثير من الجماهير والتي تأتي خلال برنامجها "كلام الناس" عبر فضائية MBC مصر.
نصائح للسيدات
وجهت ياسمين عز نصائح للسيدات للحفاظ على استقرار علاقاتهن مع أزواجهن، قائلة: "في ستات كتير بتنسى أن الزواج هو عبارة عن ميثاق غليظ، وكلمة طلقني المفروض متتقالش على المشاكل التافهة".
وتابعت كلامها: "ماتبعيش ودانك لحد وماتسمحيش لواحدة فشلت في حياتها الزوجية تعمل لك غسيل مخ، الست مش بتنور بعد الطلاق، الراجل هو اللي بينور ويطفي لكن الزرار عندك".
ودعت ياسمين النساء لعدم الانسياق وراء كلام الأصدقاء قائلة: "صاحبتك اللي بتقولك اشتمي جوزك واخلعيه وراسك براسه مش بتيجي بعد كده تقف معاكي ومع عيالك لما يحتاجوا.. ومش هتعبرك وهتلف على واحدة غير سعيدة في حياتها".
الست بتعتم بعد الطلاق
واسترسلت حديثها: "الست بتعتم بعد الطلاق ومش بتنور ولا حاجة، والنور الحقيقي لما تعيشي حياة طبيبعة مع جوزك، مفيش فيلر ولا بوتوكس هيخليكي تنوري لأن الراجل هو اللي بينور ويطفي، اسألي جوزك ايه اللي مضايقه وإمتى تبقي صاحبته وحبيبته".
الرجل بلا عيوب
وطالبت ياسمين بعدم انتقاد الزوج أمام الآخرين، معبرةً: "متنتقديش جوزك قدام أي حد ومتقوليش مميزاته، وخلي جوزك قدام الناس مفيهوش عيوب وكامل".
وأضافت: "الراجل مفيهوش عيوب واحنا اللي بنقفله على الواحدة، إحنا مش في حرب ولو احني في حرب اخسريها عشان تكسبي جوزك".
