بملعقة واحدة.. 6 فوائد للعسل تحدث في جسمك لن تصدقيها.. ما هي؟
منال سلامة: «لا قالي بحبك ولا بعتلي جوابات»
الخميس 10/نوفمبر/2022 - 03:07 م
منال سلامة
بسمة خالد
كشفت الفنانة منال سلامة عن قصة حبها وزواجها من المخرج عادل أديب، وذلك خلال حوارها مع الإعلامي سعيد جميل ببرنامج "أنا سعيد" .
بداية قصة الحب
قالت الفنانة منال سلامة خلال اللقاء عن كواليس حبهما: "عادل ولا قالي بحبك ولا بعتلي جوابات، ولا إنت القمر ياليلى، إحنا كنا زملاء وأصدقاء وبنشتغل مع بعض في فترة الدراسة، وفي يوم في المعهد قاللي عايزك في كلمة، لما أتخرج وأخلص الجيش وأعمل أول فيلم، تقبلي تتجوزيني؟ قلتله ماشي في حاجة ثانية عشان عندي محاضرة ".
وتابعت: "واضح إنه كان بيحبني ومش عارف يصارحني، وأنا كنت بحبه من غير إدراك، أحب أقعد معاه، وفي حاجات مشتركة بيني وبينه، أول مرة أقول كلمة بحبك كان بعد خطوبتنا تقريبا، لكن دلوقتي بقولها كل يوم قبل ما أنام " .
طريقة تعاملها مع المشاكل الزوجية
وعن طريقة تعاملها مع المشاكل الزوجية قالت: "عندي طريقة مختلفة، أنا أدي حب وعطاء عشان أحرج اللي قدامي، أنا وزوجي عندنا مشاكل وبنختلف، لكن لما يكون في موقف انفعالي مع زوجي عمري ما أعاقب أو أنفعل، بالعكس أسيبه يهدأ خالص، ويتعمل له كل حاجة على أكمل وجه، وفي لحظة ممكن أعاتبه عتاب لطيف"
آخر أعمال منال سلامة
يذكر أن آخر أعمال الفنانة منال سلامة كان مشاركتها في حكاية "تقلها دهب" من مسلسل "إلا أنا" ، والتي تدور أحداثها حول البطلات الأوليمبيات هداية ملاك، فريال أشرف وسمر حمزة، صاحبات الميداليات الأوليمبية في منافسات طوكيو 2020 وأدت منال سلامة دور والدة فريال في العمل .
