فن وثقافة

حنان مطاوع: «عشت متمردة.. وبابا كان بيقولي إني بستعر منه»

الثلاثاء 08/نوفمبر/2022 - 06:24 م

حنان مطاوع

نيرة جمال

تحدثت الفنانة حنان مطاوع عن أسرار من حياتها الشخصية ومعاناتها بسبب ارتباط اسمها باسم والدها في لقاء مع "صاحبة السعادة" من تقديم إسعاد يونس عبر فضائية dmc.

كنت متمردة

تحدثت حنان عن مشاكل واجهتها في الطفولة بسبب ارتباطها باسم والدها، قائلة: "ليا الشرف اني ابقى بنت كرم مطاوع، بس دايما الأطفال بيكون عندهم مشكلة في المشاهير، وان لحظة من اللحظات بتبقي عايزة حد يقبلك لشخصك، وبيبقى شيء مهين أوي للطفل انك طول الوقت مش شايفاه هو، وبيكون هو، فياما بيكون مش قادر يستقل عنها يإما يكون متمرد، وأنا كنت المتمردة".

كنت عاوزة اتحب لشخصي

وعبرت الفنانة عن حزنها في تلك الفترة قائلة: "كنت مجروحة جدا طول الوقت، كنت طفلة وأما اقع في المدرسة الاقيهم بيصوروني والشيميز طالع، وانا مش فاهمة هما بيتفرجوا على ايه لإني طفلة، وبعد وقت طويل اكتشفت ان انا منسية بس هما فاكرين بنت فلان، فكنت عايزة أقول ادوني فرصة انا اتحب لشخصي".

كنت بدور علي اسم يفصلني عن بابا

واسترسلت حديثها: "بابا كان دايما يقولي، انت بتستعري من إنك بنت كرم مطاوع، لأني كنت بدور على اسم يفصل حنان عن كرم، أو كرم عن مطاوع، فكنت بقوله حضرتك كنت معتز بباباك بس في نفس الوقت معتز بنفسك ودا كنت لسة صغيرة وقتها".

القاهرة كابول

يذكر أن الفنانة حنان مطاوع قد حققت نجاحات ساحقة من خلال مشاركتها في مسلسل "القاهرة كابول"، بجانب الفنان الكبير نبيل الحلفاوي، طارق لطفي، وشيرين، وغيرهم من نجوم الفن المتألقين، وحقق العمل نجاحات ساحقة خلال فترة عرضه.