فن وثقافة

حقيقة تسبب حلمي بكر في منع المطرب النقاش من حفل دار الأوبرا

السبت 05/نوفمبر/2022 - 08:22 م

نور أحمد

كشف الموسيقار حلمي بكر، حقيقة تدخله في استبعاد المطرب النقاش أحمد سالم من حفل الفنانة السورية أصالة نصري، بدار الأوبرا المصرية، في ختام الدورة الـ 31 من مهرجان الموسيقى العربية.

وقال بكر في تصريحات لبرنامج "ET بالعربي" إن هذا الأمر عار من الصحة، مضيفًا: "أنا لم أمنعه من المشاركة في الحفل، لكن تقاليد الأوبرا لا تسمح، مش أي حد يضيف مطرب بدون ما تسمعه، وعلى أي أساس راجل لم يمارس المهنة أجيبه في مهرجان، إنتو بتدافعوا عن الغلط يا جماعة؟".

وتابع حلمي بكر تصريحاته وقال: "افرض حصل أي خطأ على المسرح يبقى مين المسؤول؟ إيه الفوضى اللي إحنا فيها دي، ده غير الحفل التجاري والأوبرا مكان أكاديمي مش حفلة عاملها واحد متعهد، إنت هنا المسؤول فكل واحد يحط لسانه في بقه ويسكت".

وأشار حلمي بكر إلى تصريحات الناقد الفني طارق الشناوي: "طارق الشناوي بيتكلم إزاي، إزاي يقبل أجيب واحد بلا خبرة أطلعه على فرقة في الأوبرا، إنتوا عايزين إيه بعد كده ما خربت، إنتو مش لاقيين حد يلمكوا؟".

واختتم: "أنا أول واحد اتكلمت عن أحمد سالم كويس وسمعته".

يجدر الإشارة إلى إن المطرب النقاش سبق وأن كشف سبب غيابه عن الغناء في حفل الفنانة أصالة بختام مهرجان الموسيقى العربية، وقال خلال فيديو نشره عبر صفحته الرسمية على موقع التواصل الاجتماعي فيس بوك: "بعتذر لعدم حضوري مهرجان الموسيقى العربية، ولكني ما لحقتش أكمل الأوراق المطلوبة مني لأن الوقت كان ضيق".

وتابع: "أوعدكم إني هبقى معاكم في اللي جاي وأتمنى دعمكم دايما وتكونوا في ضهري إخولتي وصحابي وأهلي".