فن وثقافة

تطورات الحالة الصحية لـ وفاء سالم بعد خضوعها لعملية تجميل

الأحد 30/أكتوبر/2022 - 10:19 م

وفاء سالم

نور أحمد

تحدثت الفنانة وفاء سالم عن تطورات حالتها الصحية وذلك بعد خضوعها لعملية جراحية أدت إلى حدوث تشوهات في وجهها.

وخرجت الفنانة وفاء سالم في بث مباشر عبر حسابها الرسمي على "فيس بوك" وقالت: "الحمد لله على كل حاجة بتحصل في حياتنا قبل العملية كنت نفسيًا مش مبسوطة، كان عندي محقون خد، وحقن في آثار العملية لسة موجودة ولسة فيه ورم".

وأضافت وفاء سالم: "الجرح كان فوق الحاجب والدكتور فتح وكان فيه صديد واصل للمخ والشبكية والدكتور صوره فيديو وكان عندي خد أكبر من خد، فكنت بضايق أنا مبحبش أكون مش أنا، مش معناه إني ضد التجميل، التجميل معمول لخدمة الجمال، يحاول يخلي الإنسان شكله طبيعي".

واستطردت: "شوفت وشوش بلاستيكية وعمري ما طلبتها، الإحساس بيقل ويخفت لما الإنسان ميبقاش على راحته وأنا عايزة ملامحي زي ما هي زي ما انتوا حبتوني، فيه أعمال قدمتها مكنتش راضية عنها، لأني مكنتش حاسة الإحساس الطبيعي، فبلاقي التعبير ضعيف وناقص".

وعن العودة للعمل الفني من جديد قالت: "لو ربنا قدر واشتغلت في الفن تاني، مبدورش أكون صغيرة، أنا في النهاية ماما وابني كبير، مش بخبي عنه حاجة، لما عملت العملية ابني كان معايا خطوة بخطوة لو فيه حاجة غلط مكنش هيوافق، ابني ساعدني أتخطى مرحلة صعبة في حياتي".

وكانت الفنانة وفاء سالم قد خضعت لعملية جراحية تجميلية خلال الفترة الماضية، لعلاج تشوهات الوجه التي عانت منها خلال الفترة الماضية نتيجة خطأ طبي في عملية تجميل سابقة.