حلت الفنانة والإعلامية ميار الببلاوي ضيفة على برنامج "قعدة ستات"، والذي تقدمه الإعلامية مروة صبري، وتحدثت عن كواليس مشهدها الجريء الذي تم تصويره في نهار رمضان من فيلم "ديسكو ديسكو".. موضحة أن الفنانة نجلاء بدر هي مَن أقنعتها بذلك. 

وتحدثت الفنانة ميار الببلاوي عن كواليس تصوير مشهدها الجرئ في نهار رمضان قائلة: "الفيلم كله اتصور في رمضان، وأنا عندي عقدة من التصوير في رمضان رغم إني كنت شابة ولسه بلبس وكده، ولكن مشهد المايوه مكنتش عايزاه خالص، وإيناس الدغيدي مرمطتني ومسحت بيا الأرض لما لقيتني جيت بمايوه شورت كده وزعقتلي وقالتلي امشي البسي المايوه التاني".

وأضافت الفنانة ميار الببلاوي: "ولكن مشهدي الجريء مع عمرو عبد الجليل كنا في رمضان وكنت رافضة أصوره لدرجة دخلت الحمام وفضلوا يخبطوا عليا، كنت مستنية بس المغرب يأذن كنت بقول حتى لو هعمل حاجة غلط ميكنش في الصيام أكون بس فطرت" .

ولفتت إلى أن الفنانة نجلاء فتحي قدمت لها نصيحة بعد أن رفضت تصوير المشهد، قائلة: "لما رفضت تصوير مشاهدي الجريئة مع عمرو عبد الجليل، في رمضان قعدت أعيط، وكنت صغيرة وقتها حوالي 17 سنة، نجلاء فتحي قالتلي بصي يا حبيبتي رمضان ده معمول عشان الناس الفقراء، والناس الأغنياء بيعملوا نفسهم مبياكلوش عشان قدام الناس الفقراء يعني".

وأضافت: "يعني من الآخر رمضان بتاع الفقراء بس مش بتاع الناس العادية، إحنا عندنا أكل نصوم ليه؟ قالتلي كده عشان كانت عايزاني أصور المشهد، وقالتلي الموضوع مش محتاج أنك تعطلينا، ومافيش حاجة اسمها رمضان".