الخميس 28 مارس 2024 الموافق 18 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

صفوة: عانيت من تقصير زوجي في واجباته.. و«كنت بضربه من الغيظ»

الجمعة 28/أكتوبر/2022 - 01:25 م
صفوة
صفوة

حلت الفنانة صفوة ضيفة على برنامج "نص الكلام" مع المذيعة راغدة شلهوب، والذي يذاع عبر فضائية "النهار"، وتحدثت عن معانتها مع زوجها الثاني بسبب تقصيره في أداء واجباته الزوجية، مؤكدة أنها تزوجته فقط بسبب ماله.



زواجها الثاني 



قالت الفنانة صفوة أثناء اللقاء: "بعد طلاقي من زوجي الأول بـ 3 شهور كنت شغالة في شركة كبيرة، وكان فيه عميل جاي من الكويت عرف أني اتطلقت فطلب الجواز مني، وعمل لي أكتر من اللي بحلم بيه وفرح أسطوري وشبكة كبيرة، ووقتها مكنتش دخلت الفن".



اتحملت فوق طاقتي



وأوضحت صفوة مدي معانتها قائلة: ً"في شهر العسل سافرنا وروحنا ملهى ليلي وعجبني بدلة الراقصة فأخدتها وتاني يوم رحت نفس المكان وطلعت رقصت معاها، وزوجي الثاني مكنش عنده مشكلة في إني أرقص، لكن كان عنده مشكلة في إنه يتمم واجباته الزوجية وأنا وقتها اتحملت فوق طاقتي".






كنت بضربه من الغيظ



واسترسلت صفوة كلامها: "مش عايزة أجرح في حق زوجي الثاني بس بجد اتحملت فوق طاقتي، ومحستش معاه إني ست، وهو كان كبير عني في السن بفارق كبير، وكان صورة راجل وكنت بضربه من الغيظ لأني كنت بقوله حاجات ومنتظرة منه رد فعل قوية أو زعيق أو يضربني بالقلم فكنت بلاقيه مبيردش مهما أقول حتى لو تطاولت عليه، وفي الفترة دي كان عندي 21 سنة وكنت بستغرب لما أضربه أنه مبيعملش أي رد فعل".



واستطردت صفوة: "كرهت اليوم اللي كنت فيه أنثى لما اتجوزت زوجي الثاني لأنه كان صورة راجل، وبعد ليلة الدخلة فضلت لابسة هدومي لحد لما أهلي زاروني تاني يوم الصبح وقلت لهم مشكلته".



زواج 90 سنة






واختتمت حديثها عنه مؤكدة أنها تزوجته فقط بسبب ماله قائلة: "وقتها أمي قالت لي مينفعش تتطلقي وكلامك ده مينفعش يتقال وده قلة أدب وفكَّري في فلوسه، بس أنا فلوسه معالجتش ليا النقص اللي عنده، ومن وراء أهلي اتنازلت عن الذهب والعفش والشقة وكل حاجة، وزواجنا لم يستمر أكثر من 9 شهور، والفترة دي كانت بالنسبة لي 90 سنة".



ads