جاد شويري في مرمى النيران بعد طرحه كليب أغنية «الصيت» (صور)
بسمة وهبة تدافع عن حسام حبيب: «لا يتعاطى المخدرات.. وأنصح شيرين بالرحيل عن مصر»
الثلاثاء 25/أكتوبر/2022 - 07:10 م
نور أحمد
حرصت الإعلامية بسمة وهبة، على الدفاع عن الفنان حسام حبيب، عقب أزمته الأخيرة وتصدره حديث المستخدمين عبر منصات التواصل الاجتماعي، بعد اتهام أسرة طليقته شيرين عبد الوهاب بتسببه في إدمانها للمخدرات.
وقالت بسمة وهبة في تصريحات لبرنامج "ET بالعربي": "حسام حبيب مش زي ما الناس فاكرة، وأنا لو حسام يسمحلي أتكلم أنا عارفة قصته وهو فيه إيه بالظبط بس مقدرش أتكلم لإني مأخدتش إذنه".
وأضافت بسمة وهبة: "حسام ممكن يكون عنده شيء يخليه يتصرف تصرفات ويزعل شيرين، لكن حسام مش مدمن ولا بيتعاطى".
وتطرقت بسمة في حديثها لشيرين عبد الوهاب وقالت: "مش بحب أحكي ولا أنشر علاقاتي بالناس، عندي لشيرين فويس نوت علشان أنزلها في البرنامج لكن مرضتش لأنه مش هيضيف ليها هو هيضيف ليا أنا، وشيرين مجني عليها وضحية، هي إنسانة طيبة جدًا".
وتابعت: "هي محتاجة تبعد عن مصر فترة من الوقت وتستنشق هواءً جديدًا، تعيش في بلد سنة، هي مشكلتها المهدئات والمنومات اللي كانت بتاخدها، وأنا مشفتش منها أكتر من كده ومليش دعوة باللي الناس بتقوله".
وأكملت: "هي محتاجة تعيد حساباتها وإنها تاخد قراراتها بنفسها، هي عندها حالة من الخوف بتخليها دايمًا عاوزة حد جنبها، سواء صديقة أو مديرة أعمال أو زوج، طول الوقت عاوزة عكاز".
وأضافت: "أنا زعلانة من شقيق شيرين ووالدتها مش في اللي عملوه لكن في اللي قالوه، هفترض أن الكلام ده حقيقي، دي نجمة الوطن العربي إزاي أكشفها بالطريقة دي، أنا أعترض، شيرين بنت مصر ومينفعش نجمة مصرية يتقال عليها كده".
وكان حسام حبيب أجرى مداخلة هاتفية طويلة لبرنامج "الحكاية" الذي يقدمه الإعلامي عمرو أديب عبر شاشة "MBC مصر" للرد على الاتهامات التي طالته في الفترة الماضية في أزمته مع طليقته النجمة شيرين عبد الوهاب.
وأكد حسام حبيب أنه كان على علم بإدمان النجمة شيرين عبد الوهاب منذ فترة وخيرها بين الاستمرار في الإدمان أو خضوعها للعلاج واستمرار زواجهما، وقال: "مليش علاقة بالموضوع وهو ده كان سبب خلافنا، خيرتها بيني وبين المخدرات، ولكنها ظلت في نفس الوسط، ورفضت السماع لنصيحتي وهذا سبب طلاقنا".
اقرأ أيضًا..
