تامر حسني يتغزل في هنا الزاهد: «كنت فاقد الأمل في النوع ده من القلوب»

وجه الفنان تامر حسني، رسالة دعم للفنانة هنا الزاهد بعدما قامت هي الأخرى بإهدائه الجائزة التي حصلت عليها من مهرجان الفضائيات العربية كأفضل ممثلة، بعدما قدما سويًا فيلم "بحبك".

وحرص تامر حسني على تهنئتها من خلال منشور له عبر حسابه الرسمي بموقع "إنستجرام" كاتباً: "بكتب بوست عن هنا والله، والله مش عشان بتهديلي الجائزة لا، بكتب كلمة من قلبي عشان هي بنت قلبها جميل ومقدرة المجهود اللي عملته عشانها وعشان كل الممثلين، نوع القلب دا مبقاش موجود أوي، ياما ناس بتساعد ناس بس نادرين أوي اللي قدروا المجهود دا وعندهم قلب جميل يخليهم مينسوش تعب الناس اللي كانوا جنبهم وأخلصولهم من كل قلوبهم، كنت فاقد الأمل في النوع دا من القلوب، يمكن عشان قدمت ناس كتير وللأسف معظمهم قلوبهم اتغيرت بعد ما نجحوا".

وأكمل تامر حسني: "بس للأمانة، هنا الزاهد هي هي نفس القلب الأبيض الجميل من أول يوم اكتشفتها فيه في مسلسل فرق توقيت بدور بسيط في بدايتها لحد فيلم بحبك اللي هي بطلته دلوقتي، الفيلم اللي حقق أعلى إيراد دولي في تاريخ مصر والعرب وتجاوز الـ٦٠٠ مليون في ظاهرة أولى من نوعها، ومش بس إيرادات، لا دا حقق أعلى عدد زوار سينما في تاريخ السينما وبتتكرم عنه دلوقتي بجايزة مبياخدهاش إلا المتميز المبدع، افرحي بنجاحك وبشغلك الرائع في الفيلم، مبروك يا هنا كل الناس بتحبك وكل الناس فرحانة بيكي وأنا بجد فخور بيكي وبقلبك الجميل المحترم الأصيل، شكرًا على الجائزة مستنيها في شركتي مليش دعوة، مليون مبروك يا أجمل هنا".

وتصدرت الفنانة هنا الزاهد محركات البحث عبر جوجل خلال الساعات القليلة الماضية بعد ما خطفت الأنظار إليها أمس عقب مشاركة جمهورها صور لها من مهرجان القنوات الفضائية، وذلك عبر حسابها الشخصي بموقع التواصل الاجتماعي إنستجرام وعلقت على الصورة "مهرجان القنوات الفضائية".