فن وثقافة

"تربية الست شرف".. رد صادم من حسام حبيب على هجوم والده بسبب شيرين

السبت 22/أكتوبر/2022 - 08:21 م

حسام حبيب وشيرين عبدالوهاب

نور أحمد

تصدر الفنان حسام حبيب، تريند منصات التواصل المختلفة ومؤشرات البحث جوجل، وذلك بعد تصريحاته بالأمس عن أزمة طليقته الفنانة شيرين عبدالوهاب ودخولها لأحد المصحات النفسية من أجل العلاج من الإدمان.

وبعد تصريحات حسام حبيب مع الإعلامي عمرو أديب عبر برنامج الحكاية المذاع عبر فضائية MBC مصر خرج والد حسام حبيب لمهاجمة نجله بشكل قوي وبرسالة مفاجأة للجميع.

وفي رد فعل سريع، رد حسام حبيب على تصريحات والده وذلك عبر حسابه الرسمي على "انستجرام" حيث كتب :" انا ليا الشرف اني تربية ست لانها ب١٠٠ راجل وتربية الست دى هي اللي هتخليني ماردش عليك حسبى الله ونعم الوكيل ".

هجوم والد حسام حبيب على نجله :

hوكتب حسين حبيب عبر حسابه الشخصي على موقع "فيس بوك": "قولوا الحق ولو على أنفسكم، هو ينفع أخالف شرع ربنا بحجة إني أحمي أولادي، البنات ليها الثلثين والأهل ليهم الثلث بعد عمر طويل وده يخلي الأهل راضيين ويراعوا البنات، بعد عمر طويل ودي صلة رحم وغير كده يزرع العداوة بين الأهل".

وأضاف والد حسام حبيب: "أنت كده مش بتحافظ على مال زوجتك إنت بتخالف شرع ربنا، والنتيجة إنهم فضحوها وقضوا على مستقبلها وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق، والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك".

وتابع: "هو ينفع؟ أخوها بقاله أكتر من عشرين سنة بيراعي أخته وهي مصدر رزقه أجي أقفل عليه الحنفية، ويقعد أربع سنين من غير شغل وراجع تاني تقفل عليه الحنفية هو وأمه وأخته وعايزه يسيبك، يا ناوي على قوتي يا ناوي على موتي، الزوج يتعوض الأم والأخ ما يتعوضوش، كلمة حق لوجه الله والدين النصيحة".

واختتم: "إنت بتقول لما رجعت ليها العربية واحد بيشتغل معاها أخد العربية اللي بـ5 مليون وقالها هابقى أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع وإنها بتكتب شيكات للناس على بياض إنت كده بتدي مبرر لأهلها ليحجروا عليها وبتطلعها إنها سفيهة وعبيطة وأنا من معرفتي بيها انها واعية وناصحة بتيجي تكحلها تعميها، اسأل أبوك يقولك تقول ايه".